Zona e mbrojtur detare midis Francës dhe Italisë do të monitorohet nga dronët ushtarakë

Dronët ushtarakë do të ndihmojnë në mbledhjen e të dhënave për balena, breshka, delfinë dhe peshkaqenë në zonën e mbrojtur detare, Sanctuary Pelagos.

Mbrojtja e deteve dhe kërkimi për t’i ndihmuar ato kalon gjithnjë e më shumë përmes teknologjive të avancuara.

Avioni, i pari i llojit të tij që përdoret për këtë lloj pune, është Tekever AR5 Evolution, avion me krahë fiks i pilotuar nga distanca.

Hapja e krahëve të tij mundësohet edhe me sensorë të avancuar.

Është Agjencia Evropiane e Sigurisë Detare (Emsa) që ka vënë në dispozicion këtë dron të Rojës Bregdetare Italiane për verën e vitit 2022.

Këtë herë, jo vetëm për të lejuar monitorim më të mirë të trafikut detar dhe mbikëqyrje në det, por edhe për të monitoruar vertebrorët e mëdhenj detarë në zonë.

Qëllimi i parë i projektit të ri, i quajtur “Një sy në qiell” dhe i realizuar në bashkëpunim me Institutin Kërkimor Tethys, do të jetë testimi i potencialit të ndryshëm të këtij avioni të pilotuar nga distanca, i cili do të bazohet në Komandën e Bazës së Avionëve të Rojës Bregdetare të Sarzana-s.

Nga ky vendqëndrim, droni do të fluturojë gjatë misioneve për më shumë se 100 kilometra për të arritur në zonën e studimit.

Zona, e cila do të monitorohet nga fundi i qershorit, ndodhet në zemër të Sanctuary Pelagos, një zonë detare e mbrojtur falë një marrëveshjeje midis Italisë, Francës dhe Monakos.

Marrë nga “La Stampa”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.