Ministrja e Infrastrukturës dhe Energjisë në Shqipëri, Belinda Balluku, deklaroi se zmbrapsja e sulmit kibernetik u bë me ndihmën e FBI-së amerikane dhe shërbimeve të tjera inteligjente.
Lajmi u bë i ditur gjatë një deklarate pa praninë e mediave e Ballukut me drejtoreshën e AKSHI-t Linda Karçanaj dhe me një përfaqësues të kompanisë “Microsoft”.
Ky ishte komunikimi i parë pas sulmit kibernetik që bllokoi shërbimet publike online.
“Dje, ka patur një takim tjetër të komitetit për mbrojtjen kibernetike. U lanë detyra për të gjithë aktorët e fushës dhe janë marrë vendime për bashkëpunime me Microsoft por edhe FBI që na dha mbështetjen që ditën e parë apo dhe shërbime të tjera inteligjente”, u shpreh fillimisht zyrtarja shqiptare.
Sipas saj, situata po monitorohet dhe sistemet po rikuperohen për t’iu kthyer normalitetit.
Balluku shtoi se asnjë e dhënë nuk është fshirë ndërsa theksoi se ishin dy lloje sulmesh.
“Ky sulm nuk kishte ndodhur ndonjëherë në historinë e vendit tonë. Ishin dy lloje sulmesh. Aktiviteti i parë ishte një lloj Ransomware që ka për qëllim marrjen e të dhënave kundrejt një pagese”, sqaroi ministrja.
Kjo, nënvizoi Balluku, bëhet për të larguar vëmendjen nga qëllimi i vërtetë i sulmit për fshirjen e të dhënave.
Në përmbyllje, ajo garantoi se nuk pati humbje të dhënash falë reagimit të shpejtë.
“Janë zbatuar protokollet dhe politikat ndërkombëtare të sigurisë kibernetike. Sistemet u verifikuan një nga një që të ishim të sigurt për çdo element para se të ktheheshin online”, ravijëzoi ministrja shqiptare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Olsi Rama hedh poshtë akuzat e Bardhit për lidhjet me drogën: Vijnë nga një i paburrë
-
GJKKO i caktoi arrest në burg, Qato: Kam zbatuar ligjin, i keqardhur që SPAK ka rënë pre e presionit politik
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë