Zhaklina Peto është tërhequr nga kandidimi për gjyqtare në Gjykatën Kushtetuese.
Këshilli i Emërimeve në Drejtësi (KED) ka përfunduar procedurat për verifikimin, vlerësimin, pikëzimin dhe renditjen e kandidaturës pas tërheqjes nga kandidimi të gjyqtares Peto.
“Këshilli i Emërimeve në Drejtësi, pasi vijoi me shqyrtimin e gjetjeve në procedurën e verifikimit për kandidatin për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019 vendosi:
Përfundimin e procedurës së verifikimit, vlerësimit, pikëzimit dhe renditjes, së kandidaturës së Zj. Zhaklina Peto, për shkak të tërheqjes nga kandidimi, për gjyqtar në Gjykatën Kushtetuese”, – u shpreh KED-i në një njoftim zyrtar.
Zhaklina Peto kandidonte përballë Sonila Bejtjas për një nga vakancat e presidentit për Gjykatën Kushtetuese.
KED kishte skualifikuar gjyqtaren Peto dy herë, por Gjykata Administrative e Apelit kishte vendosur ta rikthente përsëri kandidaturën e saj.
Sipas deklaratave, kandidatja për Gjykatën Kushtetuese nuk ka mundur të sigurojë dokumentet e kërkuara nga KED-i për justifikimin e pasurive si pasojë e infektimit me COVID-19 dhe është shprehur e befasuar për vendimin e marrë nga KED-i në lidhje me kandidaturën e saj.
Gjykata Kushtetuese iu rikthye funksionimit pas zgjedhjes së Përparim Kalos si anëtar i gjashtë dhe betimit të tij para presidentit Meta./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Manja prezanton pr/ligjin: Lehtësohet procedura e cerfikimit për “Përkthyesit zyrtar”
-
Marrëveshja për Kolegjin e Evropës, Manastirliu në Kuvend: Ngjarje historike për arsimin e lartë shqiptar