Kuvendi i Shqipërisë në seancën plenare të 10 shkurtit ka miratuar ndryshimet Kushtetuese për zgjatjen e afatit të organeve të vetting-ut. Të premten ata zbardhën dhe listën e deputetëve që morën pjesë në votim.
Me 118 vota pro, zero kundër dhe asnjë abstenim propozimet e Grupit Parlamentar të Partisë Socialiste për zgjatjen e mandatit të organeve të vetting-ut u miratuan nga deputetët e opozitës dhe mazhorancës.
Ajo çfarë bie në sy është se nga radhët e PS-së, ministrja e Infrastrukturës dhe Energjisë, Belinda Balluku, edhe pse ishte e pranishme në sallë nuk ka votuar për ndryshimet Kushtetuese por votën pro e ka dhënë për dy nismat e propozuara nga Grupi Parlamentar i Partisë Demokratike. Ajo për ngritjen e Komisionit Hetimor për reformën territoriale dhe atë zgjedhore.
Ndërkohë edhe ish-kryeministri Sali Berishën që ka qenë prezent gjatë seancës nuk ka votuar, së bashku me përkrahësit e tij Oerd Bylykbashi, Albana Vokshi, Belind Këlliçi, Flamur Noka.
Ndërsa përkrahësi Isuf Çela ka votuar abstenim, dhe Edi Paloka nuk ka qenë i pranishëm në seancë.
Sa i përket radhës nga Lëvizja Socialiste për Integrim, kryetarja Monika Kryemadhi, Petrit Vasili dhe Erisa Xhixho kanë votuar abstenim dhe pro ka qenë vota vetëm për reformën zgjedhore. Agron Çela ishte i vetmi nga radhët e LSI-së që kishte votuar pro ndryshimeve Kushtetuese dhe reformës territoriale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Sot nis zbatimi i Amnistisë Penale, përfitojnë 3 mijë e 800 të dënuar
-
Sabreen, vajza e lindur në Gaza pasi nëna e saj ndërroi jetë në një bastisje
-
Senati amerikan miraton paketën historike për Ukrainën, Izraelin dhe Tajvanin
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
