Shefi i skautëve të Real Madrid-it, Juni Calafat, ndodhet në Monaco.
Aty, ai është në bisedime me klubin nga principata për të mësuar mbi kushtet që duhen arritur për të siguruar shërbimet e talentit francez, Aurelien Tchouameni.
Përveç synimit që dihet tashmë, Kylian Mbappe, i dyti në radhë është një francez tjetër.
Aurelien Tchouameni, mesfushor i kombëtares së Francës dhe Monaco-s.
Calafat ndodhet në tokat monegaske për të kuptuar çdo pikë të cilën Real Madrid-i duhet ta respektojë.
Real Madrid-i kishte mbajtur takim me Monaco-n rreth talentit francez edhe më parë, por verën e kaluar ata vendosën që të sigurojnë shërbimet e bashkëkombësit të tij, Eduardo Camavinga.
Derisa Camavinga ka tipare sulmuese, Tchouameni shihet si zëvendësues i denjë i Casemiro-s.
Një mesfushor me tipare shkatërruesi dhe shumë i mirë me topin.
Nga Monaco ai vlerësohet 60 milionë euro, por transferimi mund të arrihet me një shifër prej 40 milionë eurove.
Real Madrid-i ka nisur planin për sezonin e ardhshëm, dhe në planet e tyre, pjesë shumë e rëndësishme është edhe transferimi i Aurelien Tchouameni-t.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com