Rep artisti Black Rob, emri i vërtetë i së cilit është Robert Ross, pjesëtari i “Bad Boy”, i njohur më shumë për hitin e tij të vitit 2000 “Woah”, ka vdekur në moshën 51 vjeçare.
Vdekja u konfirmua nga ish- shoku i tij i grupit, Mark Curry, i cili postoi një video – mesazh emocionues në Instagram.
“Rob vdiq rreth një orë më parë”, tha Curry. Nuk e di nga të filloj, por ju falënderoj të gjithëve për donacionet”, mbishkroi ai.
Më tej, ai shtoi – “Ne kemi humbur shumë legjenda dhe nuk kemi mundësi të humbasim më”.
Mark Curry, kishte krijuar një lloj apeli brenda GoFundMe për ta ndihmuar Ross ‘të gjente një shtëpi, të paguante për ndihmë mjekësore dhe stabilitet gjatë këtyre kohërave’.
Apeli filloi pasi komuniteti i hip-hopit u shqetësua për gjendjen e Robert-it, i cili e kujtoi të ndjerin DMX nga një shtrat spitali, në një seri videosh që përshkruanin shumë probleme të tij mjekësore.
Përndryshe, seritë e postimeve të Black Rob në Instagram u shpërndanë nga DJ Self javën e kaluar.
“Unë jam duke luftuar me këtë për pesë vjet. Katër goditje. Nuk di çfarë t’ju them… Unë nuk kam asnjë shtëpi për të jetuar”, tha reperi.
Black Rob ishte i njohur edhe për repturën e tij brenda këngës “Bad boy for life” të P Diddy-t.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nëna e Beyonce thotë se “Zendaya ia kujton të bijën”
-
Taylor Swift, pos “The Tortured Poets Department”, publikon edhe një album surprizë
-
Quentin Tarantino heq dorë nga “The Movie Critic”, supozohej të ishte filmi i fundit i tij
-
Lana Del Rey kritikon ish-menaxherin e saj të turneut që u dorëhoq “pa arsye” pas 15 vjetësh, një muaj para performancës së saj në “Coachella”
Lajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Kryetarja e OSBE takon Metën, flet edhe për sulmet ndaj SPAK: Gjyqësori nuk merr urdhra nga askush
-
Çfarë dimë deri tani për sulmin e Izraelit ndaj Iranit
-
Lajçak me kërkesë për shoqëritë në Kosovë dhe Serbi: S’ka të ardhme evropiane pa normalizim të marrëdhënieve, ta kuptoni këtë