Trajneri i Barcelonës, Xavi Hernandez thotë se ai sanksionoi transferimin e Memphis Depay në Atletico Madrid, sepse ai e kuptonte dëshirën e sulmuesit për të luajtur më shumë minuta.
Memphis, 28 vjeç, iu bashkua Atletico-s në një marrëveshje me vlerë fillestare prej 3 milionë euro këtë javë pasi bëri vetëm katër paraqitje në të gjitha garat për Barcelonën këtë sezon.
“Ai kishte një ofertë nga Atletico, ne folëm dhe ai kërkoi të largohej”, tha Xavi në një konferencë për shtyp.
“Ai kishte nevojë të luante më shumë dhe të ndihej i rëndësishëm. Unë e kuptoj këtë. Të gjithë fitojnë sepse klubi gjithashtu mblodhi disa para përmes marrëveshjes për një lojtar, kontrata e të cilit skadon në verë”.
Edhe pse Barcelona është e pajisur mirë në sulm, Xavi tha se do të dëshironte të zëvendësonte Memphis-in nëse ishte e mundur, por pranoi se do të ishte e pamundur për shkak të problemeve me paratë e klubit.
“Nëse ne mund ta zëvendësojmë atë, atëherë më mirë, por kjo varet nga situata e “fair play”-it financiar”, shtoi ai. “Për momentin është e vështirë.
“Unë nuk kam kërkuar askënd. Jam i kënaqur me skuadrën që kam, sinqerisht. Nëse askush nuk hyn, do t’i drejtohemi ekipit rezervë dhe ekipit të të rinjve. Jam shumë i lumtur. Është e vështirë të përmirësojmë skuadrën që kemi, veçanërisht në dritaren e janarit”.
Si pjesë e transferimit të Memphis, Barcelona siguroi gjithashtu një “opsion blerjeje jo të detyrueshme” për të nënshkruar me anësorin e Atletico, Yannick Carrasco për 15-20 milion euro në verë.
“Klubi e ka rezervuar atë opsion dhe ne do të vendosim nëse duam ta ekzekutojmë bazuar në mënyrën se si shkon sezoni”, tha Xavi.
Barcelona planifikon të përdorë opsionin e saj për të nënshkruar me Carrasco-n në verë, sipas Diario Sport.
Ndërsa ata nuk janë të detyruar ta ekzekutojnë atë, Sport raporton se Barcelona e ka siguruar Carrascon dhe kampin e tij se do ta sjellin atë në Camp Nou në fund të sezonit si pjesë e një riorganizimi në sulm.
Carrasco, i cili gjithashtu mund të luajë në krahun e mbrojtjes, do të shtonte gjerësinë në të majtë, ku Barcelona aktualisht është e shkurtër, me Ousmane Dembele, Raphinha dhe Ferran Torres që të gjithë preferojnë të luajnë në të djathtë.
Barcelona e siguroi opsionin si pjesë e lëvizjes së Memphis te Atletico këtë javë. Atletico gjithashtu pagoi 3 milionë euro fillestare për sulmuesin holandez, me deri në 1 milionë euro më shumë për shkak të shtesave të lidhura me performancën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
