Futbollisti i Borussia Dortmund-it, Axel Witsel, është pranë transferimit te Atletico Madrid-i.
Sipas asaj që raportojnë mediat gjermane, Witsel ka arritur marrëveshje me klubin nga kryeqyteti spanjoll.
33-vjeçari në “Wanda Metropolitano” do të mbushë hapësirën boshe të krijuar nga largimi i Hector Herreras.
Mesfushori belg ka mbyllur një sezon mjaft pozitiv në Gjermani. Pas dëmtimit që e pësoi në janarin e vitit të kaluar, belgu u rikthye në garë si titullar i padiskutueshëm për ekipin gjerman, me të cilin bëri 42 paraqitje.
Me më shumë se 600 ndeshje në karrierë, Atletico do të bëhej klubi i gjashtë për futbollistin që ka luajtur për Standard Liege, Zenit, Benfica, Dortmund dhe në Kinë me Tianjin Tianhai.
Në parim, synimi është që javën e ardhshme ai të udhëtojë drejt Madridit për të kaluar ekzaminimet mjekësore dhe për të nënshkruar kontratën që do ta bashkonte me skuadrën e Diego Simeone-s për një sezon, me opsion rinovimin edhe një vit tjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani: Dërgimi i draft-statutit të Asociacionit në Kushtetuese është detyrë e Qeverisë
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Macron, Kurtit: Franca do progres të shpejtë në çështjen e Asociacionit, sidomos në kontekstin e Këshillit të Evropës