Mesfushori holandez Georginio Wijnaldum i ka dhuruar shpresë Liverpool-it se do të qëndrojë në klub edhe pas kësaj vere, kur i skadon kontrata.
30-vjeçari tash e shumë kohë konsiderohet si opsion për Barcelonën dhe Inter-in. Por, asnjë kontratë nuk është nënshkruar me këto dy skuadra.
Kjo edhe i hap rrugë Liverpool-it që të shpresoj për një kontratë të re me holandezin.
Që nga janari, Wijnaldum është i lirë që të bisedojë me çdo skuadër që i ofron interes, çka e bën qështjen e futbollistit të mos jetë më në duart e Liverpool-it.
Ai ka pasur shumë interes nga top skuadra evropiane që nga transferimi i tij te Liverpool-i pesë vite më parë.
Kohëve të fundit, Wijnaldum ka insistuar se do të ishte shumë i mërzitur nëse largohet nga Liverpool-i, përkundër se ende nuk ka një marrëveshje me klubin.
Edhe pse mund të lëvizë si transfer i lirë, Wijnaldum nuk është ndihmuar aspak nga pandemia Covid-19, për shkak të pagës që ai kërkon.
Por, holandezi është shumë i gatshëm të minimizoj kërkesat e tij në mënyrë që të vazhdojë në “Anfield”.
Klopp është shumë i lumtur me holandezin, të cilin e konsideron pjesë shumë të rëndësishme të skuadrës.
Para Wijnaldum-it, futbollisti i fundit ‘i madh’ që u largua me parametra zero nga Premier League, ishte Aaron Ramsey, nga Arsenal-i te Juventus-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë