Në vetëm pak muaj u rrit ndjeshëm ndjeshëm numri i varrezave ku prehen mercenarët e grupit Wagner të rënë në betejë.
Kjo zbulohet nga imazhet satelitore të faqes dhe një hetim i kryer nga “New York Times”, i cili zbulon se sa të rënda ishin humbjet e grupit paraushtarak të Yevgeny Prigozhin në frontet në Ukrainë.
Zgjerimi i varrezave përkoi me katër muaj luftime të ashpra në Donbass, në të cilat ushtarët e ushtrisë së rregullt të Moskës dhe mercenarët u përpoqën të përparonin në veri.
Sipas inteligjencës së Washingtonit, milicia ka humbur mijëra ushtarë në front, prej të cilëve 90 për qind janë ish të dënuar që u liruan nga burgu pasi ranë dakord të merrnin armët dhe të dërgoheshin në Ukrainë.
Në një imazh satelitor të marrë më 24 janar, rreth 170 varre janë të dukshme në varrezat e njohura si vendi i të rënëve të Wagner-it.
Një numër që është rritur me 7 herë krahasuar me një imazh të së njëjtës varrezë që daton dy muaj më parë.
Fakti që Wagner ka varrezat e veta është një tjetër shenjë e rëndësisë në rritje të milicisë në Rusi dhe përpjekjes për të tejkaluar ushtrinë e rregullt për sa i përket besueshmërisë.
Ekzistenca e varrezave, e cila ndodhet në fshatin e vogël Molkin, disa kilometra në juglindje të Krasnodarit, u zbulua në dhjetor nga Vitaly Wotanovsky, një aktivist dhe ish-oficer i Forcave Ajrore Ruse.
Read full article, for free via this gift link, here: https://t.co/1JQJ4mC8IQ
— Christiaan Triebert (@trbrtc) January 25, 2023
Jo larg nga Molkin është qendra kryesore e trajnimit të formacionit paraushtarak
Vetë Wotanovsky shpjegoi për New York Times se ai viziton rregullisht varreza të ndryshme për të dokumentuar se sa ushtarë rusë kanë rënë në Ukrainë dhe se ai nuk do të kishte zbuluar varrezat Molkin nëse vendasit nuk do t’i kishin zbuluar se të vdekurit e Wagnerit janë varrosur atje.
Në një seri vizitash në terren, aktivisti fotografoi varrosjet e reja dhe ndau fotografitë në kanalin e tij Telegram. Banorët e Molkin i thanë gjithashtu se shumë trupa ishin djegur.
Ishte vetë Prigozhin, shtatorin e kaluar, ai që iu referua një varreze të grupit ndërsa rekrutonte të burgosur rusë, duke u premtuar se do të kujdesej për kufomat e tyre.
Videoja është pjesë e strategjisë së komunikimit të milicisë, e cila pas pushtimit të Ukrainës nisi një fushatë promovuese me video dhe parulla, pasi kishte funksionuar nën mbulesë prej vitesh në vende si Siria, Libia dhe Republika e Afrikës Qendrore.
OKB-ja dhe organizata të tjera të të drejtave të njeriut e kanë akuzuar Wagnerin për vrasjen e civilëve dhe kryerjen e ekzekutimeve masive.
Dhjetë ditë pasi Wotanovsky bëri publike vendndodhjen e varrezave, disa media pranë Kremlinit publikuan video të Prigozhinit në mes të kryqeve teksa vendoste kurora me ngjyra që përputhen me ato të simbolit të Wagner-it në tumat e sapo gërmuara të tokës.
Të paktën 16 emra në kryqe janë në bazat e të dhënave online që listojnë personat e dënuar me burg në Rusi.
Ka shumë të ngjarë që shumica e tyre kanë vdekur javët e fundit në luftimet pranë Soledar dhe Bakhmut në Donetsk.
Marrë nga “Corriere Della Sera”, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
