Vullkani La Palma: Llava ‘përpiu’ kishën

Një kishë në ishullin spanjoll të La Palma-s është përpirë nga llava, pas shpërthimit të vullkanit Cumbre Vieja një javë më parë.

Nga pamjet e siguruara me dron, situata paraqitet dramatike. Një re tymi e dendur që “gllabëron” këmbanën e kishës para se të shembet.

Të premten, ekipet e urgjencës u tërhoqën nga vullkani, ndërsa shpërthimet dërguan shkëmbinj të shkrirë dhe hirin në një zonë të gjerë.

Instituti Vullkanologjik i Ishujve Kanarie tha se një tjetër ventilim u hap herët të shtunën.

Lumenjtë e llavës kanë rrëshqitur poshtë malit drejt bregut jugperëndimor të ishullit, duke shkatërruar gjithçka në rrugën e tyre, përfshirë 420 ndërtesa.

Llava mbulon një sipërfaqe prej 190 hektarësh, sipas të dhënave të fundit nga Koperniku.

Intensiteti i shpërthimit, që filloi më 19 shtator, është rritur ditët e fundit, duke shkaktuar evakuimin e tre fshatrave të tjerë në ishull.

Qeveria lokale u ka kërkuar banorëve që të shmangin daljen jashtë dhe ta bëjnë këtë vetëm, duke mbajtur maska dhe syze.

Rihapet aeroporti

Aeroporti në ishullin spanjoll të La Palma-s u rihap të dielën, edhe pse fluturimet mbetën të anuluara, pasi vullkani vazhdoi të lëshonte llavë mbi zonën përreth një javë pasi shpërtheu.

Ekspertët thanë të dielën se aktualisht kishte dy rrjedha aktive të lavës, një rrjedhë me lëvizje të shpejtë në veri dhe një më e ngadaltë në jug.

“Ne kemi një rrjedhë drejt veriut që po lëviz me shpejtësi. Kjo llavë vjen nga më shumë zona të brendshme të kraterit dhe temperatura e tij është rreth 1 mijë e 250 gradë Celsius”, tha Miguel Angel Morcuende, drejtor i komitetit të reagimit ndaj vullkaneve Pevolca në një konferencë shtypi të dielën.

Pamjet e dronit treguan një lumë të shpejtë të llavës së nxehtë që rrjedh poshtë shpateve të kraterit, duke kaluar pranë shtëpive, dhe pjesë toke dhe ndërtesash të përfshira nga një masë e zezë lavash me lëvizje më të ngadaltë.

Morcuende tha se “njerëzit që ishin evakuuar nga Tacande de Arriba, Tacande de Abajo dhe Tajuya do të ishin në gjendje të ktheheshin në shtëpitë e tyre”.

Operatori i aeroportit spanjoll Aena (AENA.MC) tha se aeroporti ishte rihapur pasi ekipet pastruan hirin nga pista.

Binter, kompania ajrore e Kanarie-së thotë se do të anulojë fluturimet sot për shkak të kushteve.

“Reja e hirit që buron nga shpërthimi vullkanik e bën të nevojshme ruajtjen e ndalimit të përkohshëm të fluturimeve drejt La Palma. Fluturimet e planifikuara për sot janë anuluar”, thuhej në një deklaratë.

“Ndalimi do të vazhdojë derisa kushtet të përmirësohen dhe të lejojnë fluturimin, duke garantuar siguri”.

Mediat spanjolle raportuan se të gjitha fluturimet do të anuloheshin të dielën.

Banorët e La Palma u paralajmëruan për “evolucionin e emergjencës vullkanike”

Ditën e djeshme, njerëzve të evakuuar nga tre qytete të tjera në ishullin spanjoll të La Palma u është thënë se nuk do të jenë në gjendje të kthehen në shtëpitë e tyre për të marrë sendet për shkak të “evolucionit të emergjencës vullkanike”.

Lumenjtë e llavës zbritën poshtë vullkanit dhe shpërthyen të premten në mbrëmje. Aeroporti u mbyll pasi një shpërthim u intensifikua dhe hyri në fazën e tij më kritike.

Që kur filloi të shpërthejë të dielën, vullkani Cumbre Vieja ka nxjerrë mijëra tonë lavë, ka shkatërruar qindra shtëpi dhe ka detyruar evakuimin e afro 6 mijë njerëzve.

të së premtes”, thanë shërbimet e urgjencës në një deklaratë në mbrëmje.

Operatori spanjoll i aeroportit Aena tha të shtunën se aeroporti i ishullit ishte mbyllur.

“Aeroporti La Palma nuk funksionon për shkak të akumulimit të hirit. Detyrat e pastrimit kanë filluar, por situata mund të ndryshojë në çdo kohë “, shkroi në Twitter.

La Palma, me një popullsi prej më shumë se 83 mijë është një nga një arkipelag që përbën Ishujt Kanarie.

Të premten, zjarrfikësit u tërhoqën nga puna e pastrimit në qytetin Todoque, linjat ajrore anuluan fluturimet dhe autoritetet evakuuan qytetet e Tajuya, Tacande de Abajo dhe pjesën e Tacande de Arriba që nuk ishin evakuuar tashmë pasi u hap një ventilim i ri në krahun e vullkanit.

Videot e shpërndara në mediat sociale treguan një valë tronditëse masive që dilte nga vendi i shpërthimit të premten.

Asnjë dëmtim serioz ose vdekje nuk është raportuar në shpërthimin e vullkanit, por rreth 15% e të korrave të bananeve në ishull mund të jenë në rrezik, duke rrezikuar mijëra vende pune.

Shpërthimi i vullkanit

Më 20 shtator, Në La Palma të Ishujve Kanarie, ka shpërthyer vullkani i quajtur “Cumbre Vieja”.

Ky i fundit kishte që në vitin 1971 që nuk dilte në sipërfaqe.

Si pasojë e vullkanit janë evakauar 5 mijë persona.

Kryeministri spanjoll, Pedro Sanchez, tha se autoritetet po monitorojnë nga afër zjarret që mund të fillojnë nga djegia e llavës. Rojet ushtarake dhe civile janë vendosur për të ndihmuar.

Vatra shtrihet në jug të ishullit La Palma, që banohet nga rreth 80 mijë njerëz.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.