Presidenti i Serbisë, Aleksandër Vuçiç, ka vazhduar takimet me Përfaqësuesin e Posaçëm të Shteteve të Bashkuara të Amerikës për Ballkanin Perëndimor, Gabriel Escobar dhe të deleguarin e Bashkimit Evropian për Dialogun Kosovë – Serbi, Miroslav Lajçak, pas atij 5 orësh me kryeministrin e Kosovës, Albin Kurti.
Siç raporton mediumi pro qeveritar serb “Novosti”, Vuçiç aktualisht është duke biseduar me Escobarin dhe Lajçakun.
Në Bruksel, Kryeministri i Kosovës Albin Kurti dhe Presidenti i Serbisë, Aleksandër Vuçiç, gjatë ditës së enjte të 18 gushtit, janë takuar në dy raunde të ndara nën ndërmjetësimin e përfaqësuesve të Bashkimit Evropian.
Paraprakisht, pas rundit të parë, shefi i diplomacisë së BE-së, Josep Borrell, dhe i dërguari i posaçëm i BE-së për dialogun, Miroslav Lajçak, kanë biseduar ndaras me Kurtin dhe Vuçiç-in.
I pari që u largua nga ndërtesa e BE-së pa iu drejtuar mediave ishte, Aleksandër Vuçiç.
Ndërsa vartësi i tij, Petar Petkoviç, ka njoftuar publikun në Serbi, se Aleksandër Vuçiç, presidenti i Serbisë nuk do të kthehet nga Bukseli deri nesër, e premte.
Duke folur para gazetarëve, ai pohoi se as Vuçiç e as dikush tjetër nga delegacioni i Serbisë nuk do të flas gjatë ditës.
Ndryshe gjatë ditës ndërsa takimi Kurti-Vuçiç po vazhdonte mediaa serbe “Kurir” raportoi se Vuçiç, ka kërkuar një takim urgjent me përfaqësuesit e Listës Serbe.
Takimi u raportua se do të mbahet në Pallatin “Serbia” në Beograd.
Në takim janë të ftuar të gjithë përfaqësuesit politikë dhe institucionalë të serbëve të Kosovës, liderët e Listës Serbe, të gjithë kryetarët serbë, kryetarët e distrikteve dhe drejtorët e spitaleve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Britania ‘ndihmon Rusinë të paguajë për luftën kundër Ukrainës’ përmes importit të naftës
-
Politico: Rreziku që vjen me zgjedhjen e Belerit si kandidat për zgjedhjet Evropiane
-
Sanchez ngrin funksionet si kryeministër, pas hetimit ndaj bashkëshortes