Presidenti i Serbisë, Aleksandar Vuçiç, ka deklaruar të enjten se Beogradi nuk pajtohet me vendimin e autoriteteve amerikane për vendosjen e sanksioneve ndaj anëtarit serb të presidencës trepalëshe të Bosnje- Hercegovinës (BiH), Millorad Dodik dhe se Serbia nuk do t’i zbatojë ato.
Vuçiç në pyetjet e gazetarëve në presidencën e Serbisë u shpreh se këto janë gjëra të ndërlikuara.
Ndërsa shtoi se, “nuk janë reagim urgjent dhe të shpejtë, e sidomos jo për nxitim”.
Sipas tij, zgjidhja nuk qëndron në sanksione.
“Serbia nuk mendon se zgjidhja qëndron në sanksione dhe nuk ka dyshim se Republika e Serbisë nuk do të pajtohet për asnjë pikë të vetme, dhe nuk do t’i zbatojë sanksionet kundër anëtarëve të popullit të saj dhe përfaqësuesve të popullit të saj në Bosnje dhe Hercegovinë dhe Republika Sërpska”, shkruan media serbe Tanjug.
Ndërsa, për vendimin e Shteteve të Bashkuara të Amerikës u shpreh se sjell sfida të shumta.
Vuçiç e konsideroi si të tmerrshëm vendimin për sanksione ndaj Televizionit Alternativ.
“Do të kemi shumë pyetje për administratën amerikane për disa media të tjera dhe lidhje me krimin dhe korrupsionin, të cilave duket e pamundur t’u japim një përgjigje adekuate, por këtë do ta lëmë për kohën menjëherë pas Krishtlindjeve”, deklaroi Vuçiç.
Po ashtu shtoi se është i shqetësuar për sanksionet e vendosura, por shtoi se Serbia duhet të mbajë “marrëdhënie racionale dhe të denjë” me Shtetet e Bashkuara.
Më pesë janar, Departamenti i Thesarit në SHBA, në një deklaratë për shtypë, ka përqasur sanksione edhe ndaj një medie televizive, Alternativna Televizija d.o.o. Banja Luka. Kjo e fundit përshkruhet si media, e cila nxit agjendën personale të Dodik në rrugën e ndarjes nga Bosnja dhe Hercegovina.
Ndër të tjera, në përcaktimin e Dodik, përshkruhet se lideri serb i Bosnjës po përpiqet të zhbëjë marrëveshjen e Dayton-it për Paqen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Misteri i miliarderit gjerman që u zhduk në Matterhorn 6 vjet më parë
-
Refuzohet t’i caktohet masa e paraburgimit Akil Gjakovës – ndalohet t’i afrohet bashkëshortes së tij prej 50 metra
-
Ashton, Lajçakut: Keni duruar shumë edhe nga BE-ja edhe nga Ballkani Perëndimor
-
Konjufca: Serbia ishte e vendosur për të shfarosur këdo që ishte shqiptar
Lajmet kryesore
-
Italia, BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët
