Një lajm i mirë vjen nga komuniteti evropian, lidhur me nisjen zyrtare të negociatave mes Shqipërisë dhe Bashkimit Evropian.
Pas një telefonate me Kryeministrin e Maqedonisë së Veriut, Dimitar Kovaçevski, Presidentja e Komisionit Evropian, Ursula von der Leyen, ka thënë se organi që ajo drejton, është gati ta nisë procesin me Tiranën dhe Shkupin.
“Lajm i mirëpritur ai që Maqedonia e Veriut dhe Bullgaria, me mbështetjen e Francës, janë pranë një marrëveshjeje që merr parasysh interesat dhe shqetësimet e të gjithëve”, shkruan kryekomisionerja në median e saj sociale Twitter.
Good phone call with PM @DKovachevski
Welcome news that 🇲🇰 and 🇧🇬, with support of France, are close to an agreement which takes into account interests & concerns.@EU_Commission is ready to start the screening process for 🇲🇰 and 🇦🇱, the next step on their European path.
— Ursula von der Leyen (@vonderleyen) July 1, 2022
Mbi këtë premisë, ajo shpjegon më tej se Komisioni Evropian është gati të nisë procesin për dy vendet. Ky do të ishte edhe hapi i radhës i tyre në rrugëtimin evropian.
Samiti i NATO-s në Madrid në fakt ishte me peshë të madhe në këtë arritje të diplomacisë evropiane, pasi mes takimeve e bisedave të shumta, pjesë integrale e diskutimeve ishte pikërisht edhe integrimi i Shqipërisë dhe Maqedonisë së Veriut në BE.
Kryeministri shqiptar, Edi Rama, po ashtu e bëri me dije se zhvilloi takime të shumta në kuadër të këtij procesi.
Mirëpo, rolin kryesor në gjithë skemën e deritanishme, ai ia atribuoi presidentit francez, Emmanuel Macron dhe propozimit të tij për dialog mes Sofjes dhe Shkupit.
Një propozim ky, i cili pritet të çojë në marrëveshjen përfundimtare mes dy vendeve ballkanike, duke hapur rrugën e integrimit, edhe për Shqipërinë, e cila ka qenë e bllokuar prej dy vjetësh në këtë proces, për shkak të vetos bullgare.
Teksa, sipas kreut të Grupit Parlamentar socialist, Taulant Balla, lajmi vërtet i mirë, është ai se konferenca e parë ndërqeveritare, do të mbahet që javën e ardhshme mes strukturave të BE-së dhe Tiranës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Fitimet e investitorëve të huaj arrijnë rekord në Shqipëri
-
Parashikimi i motit, 25 prill 2024
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Rama: Reportazhi i Rai-t është bërë për të sulmuar Melonin duke përdorur shëmtuar Shqipërinë dhe Agaçin
Lajmet kryesore
-
Osmani me fitore bindëse ndaj Taravarit: Diferenca mbi 35 mijë vota
-
Fitimet e investitorëve të huaj arrijnë rekord në Shqipëri
-
Perëndimi duhet të forcojë mbrojtjen pasi epoka e paqes në Evropë ka përfunduar, thotë Kuleba
-
Politico: Rreziku që vjen me zgjedhjen e Belerit si kandidat për zgjedhjet Evropiane