Njё gomone e braktisur është gjetur paraditen e ditës sё sotme nё bregdetin e Vlorёs. Mjeti lundrues është gjetur i braktisur në zonën Akërni, tё qytetit të Vlorës.
Sipas raportimeve gomonia ёshtё rreth 10 metra e gjatё dhe vendndodhja e saj ka qenё rreth dy milje nga grykёderdhja e Vjosёs.
Gomonia thuhet të ketë qenë e dëmtuar dhe ishte e pajisur me tre motorrë.
Ndёrkohё policia e qytetit të Vlorës ёshtё duke proceduar me hetimet e nevojshme.
Njoftimi i policisë
Më datë 25.01.2021, forcat policore të Drejtorisë Vendore të Policisë(DVP) Vlorë, në bashkëpunim me shërbimet e Policisë Kufitare Vlorë, gjatë kontrollit të territorit në zonën e Akërnisë, kanë konstatuar në breg të detit, një mjet tip gomone, pjesërisht e dëmtuar, rreth 9.5 m e gjatë, me tre motorë, një prej të cilëve ishte i këputur.
Në mjetin lundrues nuk është konstatuar asnjë send apo objekt i kundërligjshëm.
DVP Vlorë po punon në bashkëpunim me Policinë Kufitare Vlorë, për sqarimin e plotë të situatës./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com