Vjen deklarata nga FIFA, pas zyrtarizmit të Super Ligës Evropiane

Organi më i lartë i lartë i futbollit në botë, FIFA, ka reaguar me një deklaratë, pas zyrtarizmit të themelimit të Super Ligës Evropiane.

Orëve të fundit është themeluar Super Liga Evropiane, në të cilën do të marrin pjesë 20 ekipe, në krye me klubet më të mëdha në Evropë.

Ndërsa, FIFA ka kundërshtuar ashpër formimin e kësaj lige dhe bënë të ditur se misioni kryesor i tyre është zhvillimi i futbollit botëror.

“Përballë kërkesave të ndryshme nga media dhe siç është thënë tashmë në disa raste, FIFA dëshiron të sqarojë se qëndron në favor të solidaritetit në futboll dhe në model të drejtë që mund të kontribuojë në zhvillimin e futbollit si një sport, veçanërisht në të gjithë botën, pasi zhvillimi i futbollit botëror është misioni kryesor i FIFA-s”.

“Sipas mendimit tonë, dhe në përputhje me aktet nënligjore, çdo konkurs futbolli, qoftë kombëtar, rajonal apo global, duhet të pasqyrojë gjithmonë parimet themelore të solidaritetit, përfshirjes, integritetit dhe rishpërndarjes së drejtë financiare”.

“Për më tepër, organet drejtuese të futbollit duhet të përdorin të gjitha mjetet ligjore, sportive dhe diplomatike për të siguruar që kjo të mbetet e tillë. Në këtë kontekst, FIFA mund të shprehë vetëm mosmiratimin e saj për një ‘ligë të mbyllur e të shkëputur evropiane’ jashtë strukturave ndërkombëtare të futbollit dhe pa respektuar parimet e lartpërmendura”.

“FIFA gjithmonë mbështet unitetin në futbollin botëror dhe u bën thirrje të gjitha palëve të përfshira në debate të nxehta që të angazhohen në një dialog të qetë, konstruktiv dhe të ekuilibruar për të mirën e lojës dhe në një frymë solidariteti dhe lojë të ndershme. FIFA, natyrisht, do të bëjë gjithçka që është e nevojshme për të kontribuar në një rrugë të harmonizuar drejt interesave të përgjithshme të futbollit’’, shkruhet nga FIFA”, shkruhet në deklaratën e FIFA-s.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.