Ministrat e qeverisë shqiptare kanë zbuluar vendimet e reja të mbledhjes së 1 shkurtit.
Fillimisht, ministrja e Ekonomisë dhe Financave, Delina Ibrahimaj deklaroi se autoritetet po punojnë për të pasur mundësinë e një ekipi të kualifikuar IT-je.
Kjo, me qëllim që qeveria të jetë një punëdhënës i cili është konkurrent me tregun, në të cilin sektori i IT-së të ketë paga të krahasueshme me tregun, mbase edhe më të larta se ato.
Ministri i Brendshëm i Shqipërisë, Bledi Çuçi zbuloi dy vendime të rëndësishme për rritjen e sigurisë në rajon por edhe me krijimin e lehtësirave të lëvizjes në Ballkanin Perëndimor.
“I pari ka të bëjë më lëvizjen e lirë të shtetasve në Ballkanin Perëndimor vetëm me dokument identiteti. Të gjithë shtetasit e Ballkanit Perëndimor do të qarkullojnë në Shqipëri vetëm me një mjet identifikimi”, shtoi zyrtari shqiptar.
Sipas tij, kjo është në frymën e dy nismave të rëndësishme për forcimin e rajonit si “Procesi i Berlinit” dhe “Ballkani i Hapur”.
E dyta ka të bëjë me marrëveshjen e nënshkruar me autoritetet maqedonase për krijimin e task-forcave për të adresuar luftën kundër krimit të organizuar.
Qeveria ka miratuar gjithashtu një projekt-vendim, propozuar nga Ministria e Mbrojtjes, në mbështetje të sistemit të Emergjencave Civile.
Bëhet fjalë për detajimin e një fondi prej 200 milionë lekësh (2 milionë dollarë).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë