Një 35-vjeçar ka vdekur në një aksident trafiku në Çagllavicë, në orët e para të mëngjesit të së enjtes.
Lajmin e ka konfirmuar për Albanian Post, zëdhënësja e Policisë për rajonin e Prishtinës, Flora Ahmeti.
“Rreth orës 04:40 kemi pranuar informatën se në Çagllavicë ka ndodhur një aksident trafiku me pasoja fatale. Në këtë aksident ka qenë i përfshirë një automjet (me targa të huaja)”.
Ajo ka sqaruar se viktima ka pasur lëndime të rënda, prandaj edhe nuk ka arritur të mbijetoj.
“Si pasojë e aksidentit lëndime të rënda trupore ka pësuar një person, i cili nuk ka arritur të përballojë plagët”, ka thënë Ahmeti.
Ndërsa, shtoi se vdekjen e tij e ka konstatuar ekipi mjekësor në vendngjarje.
“Trupi i viktimës: A.A mashkull, 35 vjeç, është dërguar për obduksion në Institutin e Mjekësisë Ligjore”.
Ndërsa që me hetimin e këtij rasti është duke vazhduar të merret njësiti i trafikut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Dokumentari i Rai-t, Rama: Kur sulmohet Shqipëria, e pamundur të mos reagoj
-
Raportimet e Albanian Post – PSD dorëzon kallëzim penal ndaj Liburn Aliut e Naser Hafizit
-
KSHZ: Deri në orën 13:00 votuan 26.35 për qind të qytetarëve
-
Zbatimi i ligjit për Amnistinë Penale sjell përfitime të mëdha në buxhet, thotë Manja
