“Njëzet e shtatë mijë e 605 persona humbën jetën gjatë vitit 2020 në Shqipëri”.
Këto janë të dhënat që vijnë nga Instituti i Statistikave në Shqipëri (INSTAT).
Përkthyer në përqindje, do të thotë 25.8 % më shumë krahasuar me një vit më parë.
INSTAT jep detaje të mëtejshme për shkaqet që kanë sjellë vdekshmërinë në Shqipëri.
Faktori parësor i vdekshmërisë, sipas raportit, është për shkaqe natyrore – 97,3 për qind të numrit total të vdekjeve.
Ndërsa vdekjet e shkaktuara nga aksidentet – si shkaku i dytë kryesor i vdekjeve të raportuara në vend – përbëjnë 1,7 %.
Në bazë të përpunimit të të dhënave të raportit të INSTAT-it, vdekshmëria nga shkaqet natyrore ka shënuar një rritje, prej 30.2 për qind, krahasuar me vitin e kaluar.
Kurse numri i vdekjeve nga aksidentet, vrasjet apo vetëvrasjet ka pësuar rënie, krahasuar me të njëjtën periudhë të një viti më parë.
Gjithashtu në raport jepen detaje edhe sa i përket numrit të vdekshmërisë te foshnjat – në vitin 2020, numri i vdekjeve foshnjore është 281 – duke pësuar një rënie prej 4.1 %, krahasuar me vitin 2019.
Arsyet e vdekshmërisë së foshnjave nën një vjeç, janë ndërlikimet në lindje, por edhe pas lindjes – përkthyer në përqindje do të thotë 37.7.
Sipas Institutit, lindjet dhe vdekjet janë dy komponentë që ndikojnë në ndryshimin e popullsisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve
