Shqipëria

Vdekja e 3-vjeçarit në kopsht – 30 ditë burg edukatores


Vendimi që ajo të qëndrojë në burg për 30 ditë qëndron, për rastin e vdekjes së një fëmije 3-vjeçar në një kopsht privat në Fier, kuedukatorja dyshohet se ka neglizhuar situatën ndërsa fëmija ka qenë nën mbikëqyrjen e saj.

Vetë 27-vjeçarja Redina Binjaku, nuk ka qenë e pranishme në Gjykatë kur u mor vendimi. Ajo është përfaqësuar nga avokati i saj mbrojtës, i cili është njohur me masën e sigurisë “arrest me burg” për klienten e tij.

Familjarët nga ana tjetër, gjatë ditës së djeshme, kanë protestuar përpara Prokurorisë së Fierit, duek kërkuar që ngjarja të zbardhet.

Familjarët e 3-vjeçarit

​“Jemi drejtuar para Prokurorisë së Fierit për një hall që mos i ndodhtë askujt, asnjë prindi. Kemi çuar fëmijën në çerdhe, si të gjithë fëmijët e tjerë, dhe na vjen lajmi që na ishte mbytur”.

Kështu deklaruan ata për mediat.

Ndërsa mamaja e 3-vjeçarit, akuzoi kopshtin se po mundohet të fshehë situatën. Ajo nuk e beson se fëmija mund të vritej aksidentalisht në kushtet dhe rrethanat ku gjendej dhe kërkon që drejtësia të vihet në vend.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore