Në korridorin e Polesden Lacey, Surrey, varet një fotografi e vogël, e një gruaje të re me gjatësi normale.
Ajo mban veshur një fustan mëndafshi të shkurtër, të kuq.
Një vath margaritari shkëlqen në veshin e saj, ndërsa mbi fytyrë ka një mbulesë të bardhë të shkëlqyeshme.
Imazhi i saj të ngjall një ndjesi intimiteti.
Perdja e kuqe pas imazhit të saj, krijon iluzionin sikur ne, shikuesit, banojmë në një hapësirë të përbashkët, megjithëse shikimi i saj i shmangur sugjeron që ajo të mos e mirëpresë këtë.
Ajo është e përshtatur brenda një kamare prej guri të pikturuar, duke krijuar një ndjenjë artifice.
Ka shumë gjasa që ky imazh të jetë një “tronie”, i një personi të imagjinuar ose të idealizuar, por sidoqoftë modeluar nga një person real.
Në shumë forma, ky imazh është i pazakontë.
Në fokus të tij kryesor gjendet një grua zezake, në një kohë kur njerëzit me ngjyrë shpesh qëndronin në kufirin e artit perëndimor.
Kjo vepër, e realizuar në 1660-n, i atribuohet artistit holandez, Gabriel Metsu (1629–‘67).
Ajo u pikturua gjatë periudhës që është quajtur “Epoka e Artë” për artet, shkencën dhe tregtinë holandeze.
Nga fundi i shekullit XVII, holandezët po rrisnin me shpejtësi përfshirjen e tyre në skllavërimin e popullit afrikan dhe përfitimin e tyre.
Qe gjithashtu koha kur Evropa Veriore ishte shtëpia e komuniteteve me njerëz të lirë dhe, në disa raste, me prejardhje afrikane.
Në të vërtetë, idetë e “racës” duhet të përpunoheshin ende për të arritur në konceptin që ne njohim sot, i cili lidhet ngushtësisht me ngjyrën e lëkurës.
Fotografia u ble në vitin 1922 nga Margaret Greville, e cila kishte trashëguar një koleksion të klasit botëror të mjeshtërve të vjetër holandezë, që sot qëndron e vendosur në korridoret e ish- shtëpisë së saj.
Ka ende shumë për të mësuar rreth “Gruas me Veshje të Kuqe” dhe historisë së gjatë të njerëzve me prejardhje Afrikane në Evropë.
Ndoshta nuk i kemi të gjitha përgjigjet, por sa më shumë kërkojmë, aq më shumë zbulojmë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
