Ukraina është skuadra e tetë që plotëson raundin e çerekfinaleve të Euro 2020. Ukrainasit mposhtën Suedinë pas 121 minutave lojë, duke shkruar historinë, pasi e kanë për herë të parë që kualifikohen për në këtë raund në një Kampionat Evropian.
Sfida nisi mirë për Ukrainën, pasi shënuan të parët. Oleksandr Zinchenko, lojtari i Manchester City-t shënoi për Ukrainën në minutën e 27-të të pjesës së parë.
Ndeshja u barazua që në pjesën e parë. Emil Forsberg shënoi për 1-1 në minutën e 43-të, duke vulosur edhe shifrat e takimit për pjesën e parë.
Koha e rregullt e 90-të minutave përfundoi në barazim 1-1. Suedia goditi dy herë shtyllën, ndërsa Ukraina një herë.
Ndeshja shkoi në shtesën e 30-të minutave, ku fillimisht Suedia do të mbetej me 10 lojtarë, pas daljes me karton të kuq të Marcus Danielson-it.
Por, kur të gjithë menduar se ndeshja po shkonte drejt penalltive, nuk mendoi kështu Artem Dovbyk-u, talenti i Dnipro. Ai i shpëtoi mbulimit të mbrojtjes Suedeze dhe shënoi golin e fitores në minutën e 120+1.
Ukraina në delir të plotë pas atij goli historik, që i dërgoi në çerekfinale, ku do të gjejne Anglinë. Ndeshja mes Ukrainës dhe Anglisë do të luhet më 3 korrik, në stadiumin “Olimpico” të Romës, duke filluar nga ora 21:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Macron, Kurtit: Franca do progres të shpejtë në çështjen e Asociacionit sidomos në kontekstin e Këshillit të Evropës
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
