UFC 257 hap dyert për tifozët në Abu Dhabi

Për herë të parë në kohë pandemie, UFC hap dyert për tifozët që duan të shohin luftimet nga afër.

Në edicionin e 257-të të ligës së UFC-së e arteve marciale mikse, pritet revanshi i Conor McGregor kundër Dustin Poirier. Ndeshja do të zhvillohet në 23 janar të këtij viti dhe konsiderohet eventi kryesor i këtij edicioni.

Stafi organizativ i federatës ka pajisur stadiumin me një ‘zonë sigurie’, në të cilën tifozët do mund të shohin përballjet pa konflikt kundrejt masave të marra nga Covid-19.

Që prej muajit mars i 2020-ës e deri tani, eventet e arteve marciale mikse të UFC-së janë zhvilluar me dyer të mbyllura – fakt që ka rritur akoma dhe më shumë shikueshmërinë përmes mjeteve altenrative./AlbanianPost.com

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.