Uber-i është hakuar në një sulm kibernetik që duket se ka shkelur sistemet e brendshme të kompanisë së udhëtimit.
Vetë Uber-i ka konfirmuar se po i përgjigjej një “incidenti të sigurisë kibernetike”, pasi u raportua se një haker kishte hyrë në rrjetin e kompanisë duke ndërhyrë në disa sisteme të brendshme të komunikimit dhe inxhinierisë.
Shërbimi i kompanisë, i cili operon në më shumë se dhjetë mijë qytete anembanë botës, duket se nuk ka ndikuar.
Alan Woodward, profesor i sigurisë kibernetike në Universitetin Surrey, ka thënë se pamjet e ekranit tregonin “depërtim të rëndësishëm në rrjet me privilegje të nivelit të lartë”.
Sipas tij, meqë hakeri duket se ka një akses të tillë të nivelit të lartë, do të jetë gjithashtu e vështirë për Uber-in të dijë se ata kanë arritur ta heqin hakerin nga rrjeti.
“Mund të nënkuptojë një rindërtim të madh të sistemeve të tyre, i cili do të shkaktojë përçarje serioze”, ka shtuar ai.
Dukej se hakeri ishte në gjendje të fitonte akses në sisteme të tjera të brendshme të kompanisë, duke postuar një foto të qartë në një faqe informacioni të brendshëm për punonjësit.
“Ne jemi në kontakt me zbatimin e ligjit dhe do të postojmë përditësime shtesë këtu pasi ato të bëhen të disponueshme”, ka njoftuar kompania.
Sakaq, raportimet kanë treguar se personi që mori përgjegjësinë për hakimin ka thënë se fitoi akses përmes inxhinierisë sociale, një term për të mashtruar një punonjës për t’i dhënë akses.
Hakeri i dërgoi një mesazh me tekst një punonjësi të Uber-it duke pretenduar se ishte punonjës i teknologjisë së kompanisë dhe e bindi atë të dorëzonte një fjalëkalim që i jepte akses në rrjet.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
