Në New York, automjetet Uber dhe Lyft do të kërkohet të kenë emetim zero deri në vitin 2030.
Sakaq, vendimi mund të prekë 100 mijë automjetet me qira që operojnë në të gjithë New York-un.
Kryetari i bashkisë, Eric Adams, ka njoftuar se Uber-it dhe Lyft-it do t’i kërkohet të kenë një flotë me zero emetime deri në vitin 2030.
Çka nënkupton “zero emetime për mbi 100 mijë automjete në rrugët e qytetit tonë”, ka thënë Adams, duke shtuar se Uber dhe Lyft e mbështesin tranzicionin dhe se ndërrimi do të vijë pa kosto shtesë për shoferët.
“Ne po inkurajojmë gjithashtu njujorkezët që ngasin makinën që të kalojnë edhe te automjetet elektrike, duke shtuar stacione karikimi në të pesë bashkitë”, ka thënë ai.
Detajet rreth asaj se si do të ndodhë tranzicioni pa u kushtuar më shumë shoferëve nuk janë publikuar ende.
Por pas njoftimit, Uber dhe Lyft ndanë deklarata që tregojnë mbështetje për ndryshimin e ardhshëm.
“Ne jemi të ngazëllyer për të bashkëpunuar me New York-un në udhëtimin tonë”, ka thënë drejtori i qëndrueshmërisë së Lyft, Paul Augustine.
Kurse Josh Gold, drejtori i lartë i politikave në Uber, ka thënë se “Uber-i e duartroket ambicien e kryetarit të bashkisë për reduktimin e emetimeve”.
Tanimë, Uber dhe Lyft kanë shpallur qëllimet e tyre kur bëhet fjalë për të pasur 100 për qind flota të automjeteve elektrike deri në vitin 2030.
Të dyja kompanitë janë përpjekur të joshin shoferët që të tregtojnë makina me emetim për automjete elektrike duke përdorur përfitime dhe stimuj.
Uber u ofron shoferëve që përdorin një automjet elektrik një dollarë shtesë të fituar për udhëtimin e tyre dhe në partneritet me kompaninë e makinave me qira Hertz për të ofruar mundësi për marrjen me qira të automjeteve elektrike.
Ndërsa Lyft ka ofruar promovime të ngjashme dhe ka premtuar të zgjerojë mundësitë e marrjes me qira të automjeteve elektrike për shoferët që nuk duan të blejnë një makinë të re.
Por vetëm 1 për qind e shoferëve të atjeshëm përdorin automjete elektrike që nga shtatori.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Murati me shifra: Qarkullimi i bizneseve në Kosovë ka shënuar rritje
-
Përplasje në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Trafikonin kanabis nga SHBA-të në Shqipëri me postë, 2 në pranga
-
Shënjestrimi i inflacionit dhe kursi i lirë i këmbimit po funksionojnë, thotë Sejko
Lajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Përplasje në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un