Ish-emisari special i Bashkimit Evropian për dialogun Kosovë–Serbi, Miroslav Lajçak, ka pranuar se ka pasur “komunikim të papërshtatshëm” me të dënuarin për krime seksuale, Jeffrey Epstein, duke theksuar se u ndje “si idiot” kur ato dolën në publik.

“Nuk i mbaj mend mesazhet”, tha ai për radiostacionin shtetëror sllovak, duke iu referuar mesazheve që përmendin vajza. “Nuk mund t’i konfirmoj, por as t’i mohoj”.

“Kam treguar gjykim të dobët… shprehje të egove mashkullore — muhabet vetëkënaqës”, vazhdoi Lajçak. “Marrëdhënia ime me Epsteinin ishte vetëm në nivel fjalësh, jo veprash. Sot e paguaj çmimin për komunikimin dhe njohjen me të”.

Duke komentuar një nga dhjetra mesazhet që janë publikuar së fundmi, ku ai shprehej se “e donte” ministrin e Jashtëm rus, Sergey Lavrov, ai nënvizoi: “Nuk e dua Lavrovin” që kur ai u kthye në “fytyrën dhe zërin” e agresionit të Rusisë në Ukrainë.

“Ndihem si idiot”