Ish-Prokurori i Përgjithëm, Adriatik Lalla, ka ankimuar ditën e sotme më 3 qershor, vendimin e Gjykatës së Posaçme.
Ankimi është dorëzuar në Gjykatë dhe pritet që në ditët më vijim të hidhet shorti për gjyqtarin që do të drejtojë çështjen.
Gjykata e Posaçme, më herët e ka dënuar me dy vite burg dhe ka vendosur që Llallës t’i hiqet për pesë vite e drejta për të ushtruar funksione publike.
Ai u akuzua nga SPAK-u për “fshehje dhe mosdeklarim të pasurisë”.
Ish-prokurori u gjykua për veprën penale të fshehjes sё pasurisё. Ndërkohë, ishte vendosur dhe njё hetim pёr pastrimin e parave.
Adriatik Llalla do të ketë 15 ditë kohë pas publikimit të vendimit për ta ankimuar në Apel, dhe vetëm pas kësaj vendimi bëhet i zbatueshëm.
Në dhjetor të vitit të kaluar, Gjykata e Posaçme vendosi për sekuestrimin e pesë pasurive të paluajtshme të ish-kryeprokurorit Adriatik Llalla, pas një kërkese të Prokurorisë së Posaçme.
Hetimi ndaj Llallës nisi më 15 mars 2018 në Prokurorinë e Durrësit, por më pas u kalua për kompetencë tek ish-Krimet e Rënda.
Ai thuhet se nuk ka deklaruar një shumë prej 7 mijë e 400 dollarë të shpenzuara në SHBA, një shumë për ndërtimin e një banese, si dhe shpenzime të kryera në Gjermani.
Llalla u dyshua për katër vepra penale, mes të cilave edhe “pastrim i parave” dhe “shpërdorim i detyrës”, por në përfundim të hetimit SPAK vlerësoi se ndaj tij provohej vetëm akuza e “mosdeklarimit të pasurisë”.
Pasi përfundoi mandatin e kryeprokurorit, Llalla dha dorëheqjen nga sistemi dhe nuk iu nënshtrua vetingut. Ndërsa Departamenti Amerikan i Shtetit e shpalli atë non grata, duke i ndaluar atij dhe familjes hyrjen në SHBA.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përplasje në Këshillin Bashkiak të Himarës, pezullohet mbledhja
-
Përplasje në Këshillin Bashkiak të Himarës, mbështetësit e Belerit kërkojnë largimin e Tavos dhe Klosit
-
Trafikonin kanabis nga SHBA-të në Shqipëri me postë, 2 në pranga
-
Shënjestrimi i inflacionit dhe kursi i lirë i këmbimit po funksionojnë, thotë Sejko
Lajmet kryesore
-
Si mashtroi Kurti se Kosova e ka “shumë afër” padinë për gjenocid ndaj Serbisë – qe 3 vjet, padia askund
-
Përplasje në Këshillin Bashkiak të Himarës, pezullohet mbledhja
-
Paralajmërimi i kryeministrit polak: Lufta në Evropë është një rrezik real, por ne nuk jemi gati
-
Raportohet se BE po përgatit pozitë të re për Lajçak-un