Pesëmbëdhjetë parti evropiane të krahut të djathtë dhe të ekstremit të djathtë, do të mblidhen në Varshavë të shtunën e 4 dhjetorit.
Pjesëmarrësit pritet të diskutojnë mbi vizionin e tyre për Bashkimin Evropian.
Në mbledhje përfshihet Asambleja Kombëtare e Marine Le Pen dhe partia polake Ligji dhe Drejtësia (PiS).
Këta të fundit janë dy prej nënshkruesve të një deklarate të përbashkët të muajit korrik, e cila bënte thirrje për një aleancë të re brenda BE-së.
Le Pen u tha gazetarëve se partitë politike që marrin pjesë në tubim duan të formojnë një “grup të madh” brenda Parlamentit Evropian.
Ajo theksoi se është optimiste për muajt e ardhshëm dhe mundësinë e formimit të një grupi të ri.
Nëse kjo do të realizohet, atëherë do të jetë “forca e dytë në Parlamentin Europian”.
Pjesëmarrësit
Presidenti i Ligës Italiane Matteo Salvini, nuk do të jetë i pranishëm në Varshavë.
Në kryeqytetin e Polonisë pritet të jenë kryeministri hungarez Viktor Orban dhe lideri i PiS-it, Jaroslaw Kaczynski.
Mes të pranishmëve do të jenë edhe kreu i Vox-it spanjoll, Santiago Abascal dhe numri një i “Vëllezërve të Italisë”, Giorgia Meloni.
Organizatorët, megjithatë, ende nuk publikuan një listë të plotë të pjesëmarrësve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Nuk është në rregull për besë” – Konjufca “nervozohet” me deputetët zhurmëtarë të LVV-së
-
Marrëveshje shumë e keqe, thotë Macron për paktin e propozuar të tregtisë BE-Mercosur
-
Beqaj refuzon pagesën, “ngujohet” në SPAK që të lexojë aktet e dosjes
-
Themelimi i Komisionit për kontratat njëburimore, Tahiri: Qeveria ka frikë serioze, është afera më e madhe korruptive