Pas përplasjeve mes policisë së Kosovës dhe disa protestave që provuan të futen në objektet komunale në Veri të Kosovës, tashmë kordonin e sigurisë para objekteve e kanë formuar trupat e NATO-s, kryesisht ata amerikanë.
Në mes të policisë që është krejt në hyrje të objekteve dhe protestuesve që janë vendosur në oborre, qëndrojnë kordonët e forcave të NATO-s.
Protesta e serbëve ka filluar qysh herët në mëngjes.
Përplasje më të madhe me gaz lotsjellës e sprej ka pasur në komunën e Zveçanit kur protestuesit u turrën për të hyrë në objekt dhe policia i ndaloi me sprej.
Në mesin e protestuesve kanë qenë edhe pjesëtarë të Listës Serbe, të cilët kanë biseduar me pjesëtarë të KFOR-it.
Në anën tjetër, qytetarë që ishin bërë pjesë e protestës kërkonin nga KFOR-i të mbanin “anën e tyre e jo të policisë”.
Në ndërkohë, ambasadori amerikan në Kosovë, Jeff Hovenier, ka ftuar në takim katër kryetarët e Veriut.
Bëhet e ditur se takimi ka filluar, por jo të gjithë kryetarët janë pjesë e takimit.
Protestat në Veri: Protestuesit hodhën gazlotsjellës, policia përdori sprej për t’i zmbrapsur
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
