Ndeshja e parë e serisë së playoff-it mes Trepçës dhe Pejës përfundoi me fitoren e vendasve me rezultat 75:68.
Ndeshja ishte e dominuar nga ekipi mitrovicas, por edhe Peja u munduan deri në fund.
Trepça tani janë në epërsi prej 1:0 në serinë kundër Pejës.
Peja ishin pa lojtarin e tyre më të mirë në pjesën më të madhe të ndeshjes, pasi ai u përjashtua për një faull josportiv dhe një faull teknik.
Atmosfera në palestrën e mitrovicasve ishte e zjarrtë, ku ndodheshin me mijëra tifozë.
Në çerekun e katërt, në minutat e fundit, Peja ngushtuan epërsinë por nuk arritën një rezultat pozitiv.
Ish lojtari i NBA, Rodney Purvis, ishte më i miri në anët e Trepçës, duke regjistruar 22 pikë e 8 asistime.
Te ekipi nga Mitrovica, kontribuoi edhe qendra Andrew Gordon me 16 pikë e 9 kërcime.
Ndërsa te Peja, më të mirët ishin Darius Washington me 21 pikë dhe Stephen Maxwell me 14 pikë e 13 kërcime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com