Tre burra të mobilizuar kanë vdekur në një qendër trajnimi të ushtrisë që ndodhet në vendbanimin Poroshino në rajonin e Yekaterinburgut të Rusisë.
Lajmi u bë i ditur nga Novaya Gazeta, duke cituar gazetën lokale “EAN”.
“Po, konfirmoj se tre persona kanë vdekur. Njëri nga të mobilizuarit ka ndërruar jetë nga një atak në zemër, ndërsa një tjetër është vetëvrarë. I treti u lirua dhe u dërgua në shtëpi, ku vdiq nga cirroza e mëlçisë”, deklaroi deputeti rus, Maxim Ivanov.
Media e lajmeve ASTRA raportoi më herët për vetëvrasjen e një 46-vjeçari, banues në Kurgan të Rusisë.
Trupi i burrit u gjet më 1 tetor në mensën e qendrës stërvitore të ushtrisë në vendbanimin Poroshino, ku ndodhet Reparti Ushtarak 31612.
Sipas gazetarëve, burrit u gjet plagë në qafë. Aty pranë u gjet një teh.
EAN thekson se më herët, në Poroshino ishte futur një ndalim i alkoolit.
Rajoni i Novosibirsk-ut të Rusisë ndaloi gjithashtu shitjen e alkoolit në dyqanet që ndodheshin pranë zyrave të ushtrisë dhe shkollës së lartë të komandës ushtarake.
I njëjti ndalim u fut në rajonin Zabaykalsky dhe rrethin Tarbagatay të Buryatia-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Perez: BE-ja ta çojë përpara aplikimin e Kosovës dhe ta ndëshkojë Serbisë
-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
There’s Still Tomorrow – Filmi që mundi Barbie-n në Itali
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
Lajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Bislimi: Propozimet e Serbisë s’i pranoi as Lajçaku
-
Franca kërkon të përdorë sistemin e mbrojtjes ajrore të Greqisë për Lojërat Olimpike
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit