Tragjedia e Australisë: Shkon në gjashtë numri i viktimave

Chace Harrison, 11 vjeç, bëhet viktima e gjashtë e aksidentit me kështjellën me ajër në Australi.

Harrison ndërroi jetë në një spital të Hobart-it të dielën e 19 dhjetorit, tri ditë pas aksidentit.

Ai ishte mes nëntë nxënësve që ranë nga 10 metra lartësi, pasi kështjella ku po luanin u ngrit nga era.

Incidenti tragjik u regjistrua në një panair shkolle në Devonport, Tazmani.

Dy fëmijë mbeten ende në gjendje kritike në spital.

Pesë fëmijët e tjerë që humbën jetën ishin 11-vjeçari Addison Stewart dhe 12-vjeçarët Zane Mellor, Jye Sheehan, Jalailah Jayne-Maree Jones dhe Peter Dodt.

Tragjedia ka shkatërruar Devonport – një qytet me më pak se 30 mijë banorë.

Në internet janë mbledhur rreth 1.3 milionë dollarë, të cilat do të shkojnë për familjet e prekura.

Ndërtimi i ngjarjes

Të enjten e 16 dhjetorit, katër fëmijë ndërruan jetë dhe katër janë në gjendje të rëndë, pasi ranë nga 10 metra.

Kështjella e tyre kërcuese (që fryhen me ajër) u zhvendos në ajër nga era.

Ngjarja e rëndë u regjistrua në veriperëndim të Tazmanisë.

Autoritetet vendase konfirmuan se dy vajza dhe dy djem, vdiqën në shkollën fillore Hillcrest në Devonport.

Komisioneri i policisë, Darren Hine, tha se oficerët u thirrën në shkollë pasi një erë e fortë shkaktoi ngritjen në ajër të kështjellës.

“Në një ditë kur këta fëmijë duhej të festonin ditën e fundit të shkollës fillore, përkundrazi ne të gjithë po vajtojmë humbjen e tyre”, tha Hine.

Policia do të përgatisë një raport për mjekun në lidhje me WorkSafe Tasmania.

Kryeministri Peter Gutwein tha se tragjedia ishte “shkatërruese dhe zemërthyese”.

“Është e vështirë për mua të gjej fjalët e duhura në rrethana të tilla tragjike”, u shpreh Gutwein.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.