Kur koha është në favorin tonë, ushqimet e lehta si në shijë dhe në përgatitje, janë gjithçka duam. Si thoni për specat e pjekur e të mbushur me gjizë?
Ato janë një alternativë shumë e mirë jo vetëm për vegjetarianët, por për këdo që do të gatuajë një pjatë të shijshme.
Për më tepër është shumë e shëndetshme dhe me pak kalori.
Përbërësit: 500 gr speca të kuq me tul, 200 gr gjizë, 2 speca djegës të freskët, 5 thelpinj hudhre, vaj ulliri, kripë, piper.
Përgatitja:
Në fillim, lajmë dhe pastrojmë mirë specat për mbushje duke u hequr bishtin në formën e kapakut dhe i vendosim mënjanë.
Ndërkohë, ndezim furrën në temperaturën 250 gradë dhe nisim përgatitjen e masës për mbushje. Presim imët specat djegës dhe hudhrat, i vendosim në një enë dhe shtojmë gjizë dhe vaj ulliri.
Pasi përziejmë të gjithë përbërësit, shtojmë kripë e piper.
Nisim mbushjen e specave dhe i lyejmë nga jashtë me vaj ulliri.
I vendosim specat në tavë dhe i mbulojmë me letër alumini. I lëmë të piqen për 30 minuta.
Të shoqëruara më bukë të thekur dhe disa ullinj, nuk do të mund të gjenim kombinim më të mirë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
