Topi i nënshkruar nga Obama, Kobe, LeBron, Magic e Melo del në ankand për më shumë se 17,000 dollar

Në ditëlindjen e tij të 49-të, ish-Presidenti i Shteteve të Bashkuara, Barack Obama, zhvilloi një lojë basketbolli të mbushur me yje, me Magic Johnson, Kobe Bryant, LeBron James dhe Carmelo Anthony-n.

Topi i përdorur në atë ndeshje, i nënshkruar nga pesë pjesëmarrësit (Obama, Magic, Kobe, LeBron dhe Melo), është në ankand në Heritage Auctions, me ofertën aktuale në 17,500 dollarë.

Ankandi për për topin e rrallë do të përfundoi më 28 shkurt, duke tejkaluar tashmë vlerën e parashikuar prej 12,000 dollarësh.

Presidenti Obama, i lindur dhe i rritur në Chicago, ishte i njohur për dashurinë e tij për basketbollin dhe gjatë kohës që ishte në Shtëpinë e Bardhë, ai zhvilloi lojëra të ndryshme me njerëz të famshëm.

Zakonisht, ata ishin basketbollistë profesionistë, aktivë ose në pension, duke përfshirë vendasit e Chicago-s, Dwayne Wade dhe Derrick Rose.

Megjithatë, presidenti i 44-të do të ftonte edhe aktorë si Leonardo Dicaprio dhe George Clooney.

Obama pranoi në mënyrë të famshme se një nga përfitimet e presidencës së tij ishte aftësia për të luajtur me njerëzit e famshëm.

“Një nga përfitimet e të qenit president është se ju mund të ftoni njerëzit në Shtëpinë e Bardhë dhe ata shfaqen”, tha Obama pas ditëlindjes së tij të 49-të”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.