Tirana ka arritur një fitore të madhë, edhe me rezultat, por edhe në garën për titull.
Bardheblutë ishin sot vendas të Kukësit në “Air Albania”, në takimin e vlefshëm për javën e 18-të Abissnet Kategorisë Superiore.
Ndeshja, të paktën në letër, pritej të ishte e barabartë dhe shumë e luftuar.
Mirëpo kryeqytetasit duket se kishin plan tjetër, të paktën pas minutës së 38-të në takim.
Serinë e golave e hapi Taulant Seferi, kurse goditjen e madhe Kukësit para përfundimit të pjesës së parë, ia dha Redon Xhixha.
Siç ishte e para, ishte edhe e dyta.
Redon Xhixha ishte ai që pak pas mbylljes së një ore lojë, i qetësoi zemrat e tifozëve duke shënuar për 3-0.
Xhixha nuk mund të ishte i vetmi me dy gola në këtë takim, andaj Seferi shënoi edhe njëherë, pak sekonda para se të mbyllej takimi.
Në fund, Tirana 4-0 Kukësi, në një ndeshje që me shumë mundësi do të shërbejë si motiv shtesë në rrugën për titull për bardheblutë.
Pas 18 ndeshjesh, Tirana ka 40 pikë e vetmuar në krye, kurse Kukësi mbetet në vendin e tretë me 31 pikë.
Laçi ka mundësi të hënën që me një tre pikësh përballë Partizanit në Kurbin të mbajë distancën me gjashtë pikë nga Tirana.
Përveç Laçi – Partizani, nesër zhvillohen edhe Egnatia – Dinamo, Skënderbeu – Teuta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Cilët janë katalizatorët që do ta ndezin fushatën e partive politike ndërsa nis sezoni zgjedhor në Kosovë?