Tina Turner, “Mbretëresha e rock’n’roll”, ia ka shitur të drejtat e katalogut të saj muzikor, të cilat përfshijnë gjashtë dekada, kompanisë botuese të muzikës BMG.
Turner shiti aksionet, menaxhimin e emrit, imazhit dhe ngjashmërisë së saj, në marrëveshjen më të madhe të arritur me një artist të vetëm në historinë e BMG. Por, shumat e përfshira nuk u zbuluan.
81-vjeçarja është artistja që ka fituar vlerën e hiteve me gjelbërim të përjetshëm në epokën e transmetimit, duke ndjekur gjurmët e marrëveshjes prej 300 milionë dollarësh të Bob Dylan me Universal Music dhe marrëveshjen e Neil Young me kompaninë muzikore Hipgnosis.
“Si çdo artist, mbrojtja e veprës sime të jetës, trashëgimia ime muzikore, është diçka personale”, tha ajo.
“Kam besim se me BMG dhe Warner Music puna ime është në duar profesionale dhe të besueshme”.
Në dhjetor Dolly Parton, portofoli jashtëzakonisht i vlefshëm i këngëve të së cilës përfshin I Will Always Love You, tha se po merrte në konsideratë shitjen e 3 mijë krediteve të saj të këngëve “për arsye biznesi, planifikim pasurie dhe gjëra familjare”.
BMG, pjesë e konglomeratit mediatik Bertelsmann, i cili zotëron transmetuesin pan-evropian RTL dhe botuesin Penguin Random House, tashmë përfaqëson ose zotëron të drejtat në punën e yjeve përfshirë Mick Jagger dhe Keith Richards, John Lennon dhe Ringo Starr, Mick Fleetwood, Iron Maiden, Kurt Cobain dhe David Bowie.
“Udhëtimi muzikor i Tina Turner ka frymëzuar fjalë për fjalë qindra miliona njerëz në të gjithë botën dhe vazhdon të arrijë auditorë të rinj”, tha Hartwig Masuch, shefi ekzekutiv i BMG.
“Ne jemi të nderuar të marrim përsipër punën e menaxhimit të interesave muzikore dhe tregtare të Tina Turner”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
