Qeveria e Kosovës të mërkurën ka themeluar Komisionin Republikan të Festave.
Kryeministri i Kosovës, Albin Kurti, bëri të ditur se ky komision do të përgatis rregullat dhe mënyrat e shënimit të festave zyrtare si dhe ditëve memoriale.
Gjatë mbledhjes është bërë e ditur edhe përbërja e këtij komisioni.
Zyra e Kryeministrit kryesues, Ministria e Punëve të Brendshme anëtar, Ministria e Drejtësisë anëtar, Ministria e Administrimit të Pushtetit Lokal anëtar, Ministria e Financave anëtar, Ministria e Arsimit anëtar, Ministria për Komunitete dhe Kthim anëtar, Ministria e Ekonomisë anëtar, përfaqësues dhe Presidenca dhe Kuvendi i Kosovës anëtar.
Ndryshe, në Kosovë ka pasur vazhdimisht kritika për festat zyrtare.
Të shtunën, më 9 prill e diele, ishte shënuar Dita e Kushtetutës së Kosovës, por ditë pushimi kishte qenë e hënë.
Të dielën, më 17 prill, ishin festuar edhe Pashkët Katolike, ndërsa ishte pushuar të hënën nga institucionet.
Të dielën, më 24 prill, kanë qenë Pashkët Ortodokse, e hëna pasuese ishte ditë pushimi.
Të dielën, më 1 maj, ishte Dita Ndërkombëtare e Punës të hënën, më 2 maj, ishte ditë pushimi.
Të hënën, më 2 maj, ishte edhe dita e parë e Bajramit të Madh, ndërsa për të pushim ka qenë 3 maji.
Të hënën, më 9 maj, kishte qenë po ashtu pushim, pasi shënohej Dita e Evropës.
Edhe Shqipëria, e cila ka 14 festa zyrtare, i shtyn ato në ditë pune, nëse bien të shtunën ose të dielën.
Festat zyrtare në Kosovë, të përcaktuara me ligj, janë: Viti i Ri, Dita e Pavarësisë së Republikës së Kosovës, Dita e Kushtetutës së Republikës së Kosovës, Dita Ndërkombëtare e Punës, Dita e Evropës, Bajrami i Madh, Bajrami i Vogël, Krishtlindjet Katolike, Krishtlindjet Ortodokse, Pashkët Katolike dhe Pashkët Ortodokse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku, Kurtit: Jeni zgjedhur që ta qeverisni Kosovën, jo t’i përçani shqiptarët
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
-
Zgjedhjet në RMV, Abdixhiku: Shqiptarët u ndanë, kryeministri populist i Kosovës dhe gjithë aparati qeveritar i tij, u bënë akter aktiv
-
“Jo Rusisë, po Evropës”, Gjeorgjia del në rrugë kundër ligjit për agjentët e huaj
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova