Joan Laporta, presidenti i klubit të Barcelona-s, së bashku me Florentino Perez-in e Real Madrid-it ishin dy kundërshtarët më të mëdhenj të marrëveshjes mes La Liga-s dhe fondit të investimeve “CVC Capital Partners”.
Një marrëveshje e tillë, u solli klubeve nga La Liga dhe La Liga 2 rreth 2.7 miliardë euro. Barcelona, Real Madrid-i dhe Athletic Bilbao ishin tre klubet që nuk e nënshkruan marrëveshjen.
Sipas spanjolles “La Vanguardia”, Laporta tashmë është dorëzuar dhe është gati të pranojë marrëveshjen me fondin.
Ferran Reverter-i, drejtori i përgjithshëm i Barcelona-s, prezantoi zyrtarisht raportin e auditimit për vitin financiar 2020/21, deri në mars. Sipas raportit humbjet e klubit ishin 481 milionë euro.
Duke qenë përballë faktit se humbjet ishin shumë të larta, Laporta po negocion me kreun e La Liga-s, Javier Tebas-in, për të marrë një fond prej 125 milionë eurosh.
“La Vanguardia” thekson se Reverter-i ishte i gatshëm të fliste për marrëveshjen e La Liga-s me “CVC” që klubi e refuzoi kur u miratua, nëse përmbajtja e saj ndryshon.
“Kushtet e ‘CVC’, që ata propozuan ne nuk mund t’i pranonim, por, nëse i ndryshojnë ato, ne mund të flasim”, tha ai të mërkurën duke lënë të hapur mundësinë e pranimit të marrëveshjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hasani nis vizitën në Kroaci në takim me Plenkoviç, merr mbështetje për integrimin evropian
-
Asllani pas fitimit të titullit: Si tifoz i Interit nuk mund të kërkoj më shumë
-
Mavijosje dhe brinjë të thyera – Vdekjet e pashpjegueshme në burgjet e Izraelit
-
Kosova (s’)humbi nga referendumi i dështuar në veri