Kompania amerikane e makinave elektrike, Tesla Inc, ka njoftuar të premten e 13 gushtit se kompensimi total i shefit të vet ekzekutiv, Elon Musk, për vitin 2020 ishte zero, krahasuar me 23 mijë e 760 dollarë në 2019-n.
Agjencia e lajmeve, “Reuters”, tregon se prodhuesi ka zbuluar gjithashtu përmes një dosje rregullatore se kompensimi i përgjithshëm i shefit të financave, Zachary Kirkhorn, ishte 46.6 milionë dollarë, kundrejt 21.2 milionë dollarëve që mori në vitin 2019.
Paketa e pagave të Musk-ut, i cili është një aksionar kryesor dhe shef ekzekutiv i prodhuesit të raketave SpaceX, kërkon që kapitalizimi i tregut dhe rritja financiare e Tesla-s të arrijë një sërë objektivash në rritje.
Prej muajit prilli, Musk-u ishte kualifikuar për opsionet e Tesla-s në paketën e tij të pagave të vitit 2018 që tani vlen mbi 30 miliardë dollarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Asambleja Parlamentare e KiE-së voton pro anëtarësimit të Kosovës
-
Votimi pro Kosovës në Asamblenë Parlamentare në KiE, Kurti: Fiton demokracia dhe të drejtat e njeriut
-
Izraeli ka vendosur, përgjigja ndaj Iranit vjen në fundjavë
-
Miratohet nga Komisioni i Senatit kandidatura e David Kostelancik për ambasador të SHBA-ve në Tiranë
