Lucas Hernandez-i dhe Leon Goretzka mbeten në dyshim përballë PSG-së, në Ligën e Kampionëve. Trajneri i Bayern Munich-ut, Hansi Flick, shpreson që të dy lojtarët të rikuperohen sa më shpejtë, për t’i pasur në dispozicion.
Hernadnez-i dhe Goretzka pësuan dëmtime në ndeshjen e parë përballë PSG-së, ku bavarezët humbën 2-3 dhe munguan në fundjavë në Bundesligë, përballë Union Berlin-it, e përfunduar 1-1.
Duke folur pas ndeshjes me Union-in, Flick-u tha se shpresonte që lojtarët t’i kishte gati në mesjavë përballë PSG-së.
“Unë kam shumë shpresë për Luca Hernandez-in, sepse mori një dëmtim më të lehtë. Me Leon-in nuk mund të rrezikojmë, sepse mori një dëmtim muskulor. Thjesht duhet të presim për të parë nëse mjekët japin dritën jeshile”, tha Flick-u.
Jerome Boateng-u dhe Kingsley Coman-i janë gjithashtu në dyshim përballë PSG-së, pasi në ndeshjen kundër Union-it u detyruan të largohen nga fusha të dëmtuar.
“Jerome pati disa probleme në gju. Coman-i mori një goditje në pjesën e sipërme të fibulës së tij dhe kishte disa probleme. Por unë nuk mendoj se është diçka serioze”, tha tekniku.
Bayern-i do të jetë gjithashtu pa Robert Lewandowski-n, Niklas Sule-n, Marc Roca-n, Serge Gnabry-n, Corentin Tolisso-n dhe Douglas Costa-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Zgjedhjet në RMV, Osmani: Qytetarët kanë dy opsione – integrim apo izolim
-
Senati amerikan miraton projektligjin që mund të ndalojë TikTok-un
-
Qytetarët e Maqedonisë së Veriut u drejtohen kutive të votimit – nuk raportohet për asnjë parregullsi në procesin zgjedhor