Ministria e Arsimit, Shkencës dhe Teknologjisë, ka nxjerrë vendimin për plotësimin dhe ndryshimin e vitit shkollor 2022-2023.
Bazuar në këtë vendim ditët e humbura gjatë grevës së SBASHK-ut, do të kompensohen të shtunëve deri në janar të vitit 2023 si dhe ka propozuar pagesë avans për mësimdhënësit që i zëvendësojnë orët e humbura.
Tutje MASHT-i, ka bërë të ditur se mësimi do të mbahet edhe në pushimin pranveror.
“Në pesë ditë të planifikuara të pushimit pranveror sipas UA-05/2022, do të mbahet procesi mësimor në të gjitha nivelet e arsimit parauniversitar”.
“Institucionet e arsimit parauniversitar të cilat kanë filluar mësimin para datës 03.10.2022 janë të obliguara që të bëjnë planifikimin dhe realizimin e ditëve të mësimit të përcaktuara më UA-05/2022”.
Në njoftim është theksuar se zbatimin e këtij vendimi do ta mbikqyr Inspektorati i arsimit.
Ministrja e Arsimit, Arbërie Nagavci, me anë të një statusi në llogarinë e saj në Facebook ka rikonfirmuar edhe një herë vendimin se paga për mësimdhënësit grevistë nuk do të ketë.
Qeveria e ka ndërmend të paguajë vetëm ata mësimdhënës që nuk iu bashkuan grevës.
Ajo më tej ka bërë të ditur se deri më tani janë realizuar vetëm pagat e të gjithë atyre të cilët nuk kanë participuar në grevën e organizuar nga ana e Sindikatës së Bashkuar të Arsimit.
“Me kërkesë të ministrit të financave, Hekuran Murati, i kemi dërguar ato të dhëna që i kemi pasur të inspektorëve dhe zyrtarëve të MASHTI nga vizitat gjatë muajit shtator, në shkolla e çerdhe, me qëllim të realizimit të pagave për ta”, ka shkruar Nagavci në rrjetin e saj social në Facebook.
Nagavci duke u bazuar në dy nene të Ligjit për Greva ka arsyetuar mos-pagesën e mësimdhënësve.
Sipas saj kompensim do të ketë vetëm për punën e bërë.
“Ligji duhet të respektohet në tërësi, ne kemi premtuar për këtë dhe premtimet tona i mbajmë. Kemi marrë mandatin për të hartuar politikat e për t’i realizuar ato dhe s’do të ndalemi. Kompensim do të ketë. Kompensim për punën e bërë”.
Ndryshe një ditë më parë Shefja e Grupit Parlamentar të Lëvizjes Vetëvendosje, Mimoza Kusari-Lila, ka bërë të ditur se grevistët nuk duhet të paguhen për ditët në të cilat kanë qenë në grevë.
Sipas saj një gjë të tillë e parasheh Ligji për Grevën.
Qeveria po bazohet në dy nene të Ligjit për Greva për ta arsyetuar mos pagesën e mësimdhënësve.
I pari është neni 18 ku flitet për “efektet e grevës së ligjshme” dhe në pikën 1 të këtij ligji thuhet se “gjatë zhvillimit të grevës pezullohen detyrimet, që rrjedhin nga Kontrata e Punës”, derisa është edhe neni 7, pika 1, ku është përmirësuar neni bazik 18 i ligjit, the ku togfjalëshit “Kontrata e Punës” i shtohet fjalia “duke përfshirë të drejtën në pagesë dhe detyrimin e bindjes për të punuar”.
Juristët e kanë interpretuar në forma të ndryshme këtë ligj. Disa thonë se ka bazë ligjore për të ndaluar pagat e të tjerë deklarojnë se këto dy nene nuk thonë që të ndalet paga dhe mos pagesa është e kundërligjshme.
Në një pjesë të opinionit publik, ndalja e pagave është interpretuar si tendencë e qeverisë për të frikësuar të pakënaqurit dhe shuar revoltat eventuale nga kjo pakënaqësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BE dhe SHBA dënojnë dhunën në protestën para Bashkisë së Tiranës
-
Qytetarët të shmangin udhëtimet në zonat e përfshira në konflikte ushtarake, thotë MEPJ
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
A ka Irani bombë atomike – Në çfarë faze është programi bërthamor
Lajmet kryesore
-
BE dhe SHBA dënojnë dhunën në protestën para Bashkisë së Tiranës
-
FMN ul parashikimin për rritjen ekonomike të Shqipërisë këtë vit
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Çitaku, Kurtit: Do mbahesh mend si Kryeministri i Autonomisë Politike për serbët e pjesës Veriore