Të paktën nëntë ushtarë janë vrarë dhe disa janë plagosur në një sulm vetëvrasës në provincën Balochistan të Pakistanit jugperëndimor.
“Të paktën nëntë ushtarë të policisë paraushtarake të Balochistanit u vranë në një shpërthim”, tha të hënën Ijaz Ahmad, zëdhënës i policisë lokale.
Forcat po udhëtonin me një autobus në distriktin Kachhi të provincës Balochistan – rreth 160 kilometër në juglindje të kryeqytetit të provincës Quetta – kur automjeti shpërtheu, sipas zëdhënësit.
Një tjetër zëdhënës i policisë Mehmood Khan Notizai i tha agjencisë së lajmeve “Reuters” se kamikazja që hipi në një motoçikletë “godi kamionin nga pas”.
Zyrtarët e spitalit thanë se të paktën shtatë policë u plagosën në sulm, i fundit në një seri që synon personelin e sigurisë në Pakistan.
Grupet e armatosura etnike Baloch kanë luftuar kundër qeverisë për dekada, duke e akuzuar atë për shfrytëzimin e burimeve të pasura të gazit dhe mineraleve të Balochistanit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
