Shefi i Grupit Parlamentar të Aleancës për Ardhmërinë e Kosovës, Besnik Tahiri, ka thënë se partia e tij e ka ftuar në interpelancë kryeministrin e Kosovës, Albin Kurtin, por sipas tij, ky i fundit ka vendosur “të shëtitet jashtë vendit”.
“Për kryeministrin agjenda më e rëndësishme është shëtitja jashtë vendit se sa llogaridhënia para deputetëve. Në mungesë të tij, nuk arritëm të dakordojmë një datë të caktuar për mbajtjen e një interpelance këtë javë”, shkroi Tahiri në Facebook.
Ai ka shtuar se për AAK-në ky është shqetësim shumë i madh, “për shkak se, tani më shumë se kurrë, duhet qasja serioze e disiplinuar dhe gjithëpërfshirëse”.
“Synimi i interpelancës është që t’i jep zgjidhje situatës shumë të rëndë të sigurisë dhe asaj politike në vend”.
Temë tjetër shumë e rëndësishme sipas Tahirit, është ajo e buxhetit të vitit 2023.
“Në analizën e parë të grupit parlamentar të AAK-së shohim se është një buxhet pa vizion dhe i pareflektueshëm në gjendjen që është sot Kosova. Argumenti i parë është deklarata skandaloze e Ministrit të Financave kur i adresohet sektorit privat për t’i rritur pagat sepse u është rritur fitimi, përderisa në këtë buxhet, në këtë sesion, nuk e ka sjellë Ligjin e Pagave”.
“Pra, ministri i Financave e ka në dorë rritjen e pagave në sektorin publik së bashku me buxhetin. Nuk e ka sjell linjën buxhetore për këtë ligj, e as nuk e ka sjell ligjin, e mbi të gjitha koeficientin”.
“Ku ka logjikë normale, në të cilën një ministër i thotë sektorit privat t’i rrisin pagat për stafin, sepse u është rritur fitimi, e në anën tjetër ka rritje të buxhetit, por për 80 mijë zyrtarë publikë nuk e bënë të njëjtën”.
Prandaj, ai konsideron që “kjo është një qasje e pazotë dhe një qasje e një qeverie të padenjë që qeverisë me vendin”.
“Jemi duke e analizuar buxhetin e Kosovës, ku shihet që politikisht i ka dëmtuar organizatat buxhetore, në veçanti komunat ku nuk qeverisin me to”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli, çarjet rreth Netanyahut dhe tani presioni për një sulm ndaj Rafahut po rritet
-
Deklarimi i pasurisë: Liburn Aliu ka blerë dy banesa në “Marigona Hill”
-
Ministri i Jashtëm iranian pro uljes së tensioneve në Lindjen e Mesme
-
El Niño drejt fundit: a do të jetë më pak nxehtë? – Shkencëtarët: Po, por vera e ardhshme do të jetë ende përvëluese
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, çarjet rreth Netanyahut dhe tani presioni për një sulm ndaj Rafahut po rritet
-
Pse Kurti nuk mori pjesë në tubimin e “VLEN-it” në Gjermani?