Shefi i Zyrës së Bashkimit Evropian në Kosovë, Tomas Szunyog, ka reaguar pas vrasjes së gruas 35 vjeçare në Qendrën Klinike Universitare të Kosovës (QKUK), duke thënë se është i tmerruar nga një rast i tillë.
Sipas Szunyog, një ngjarje e tillë është e papranueshëm.
“Jam tmerruar nga vrasja e e mbrëmshme e një gruaje dhe fëmijës së saj të palindur. Ajo ishte gruaja e dytë e vrarë që nga fillimi i fushatës 16 Ditë të Aktivizmit kundër dhunës ndaj grave. Kjo është e papranueshme!”.
Shefi i BE-së ka shprehur mbështetje edhe për protestën e cila do të organizohet në Prishtinë.
“Ngushëllimet e mia për familjet dhe mbështetjen e plotë për marshin e organizuar sot nga OSHC-të e grave”, ka shkruar shefi i Zyrës së BE-së.
I am horrified by the murder of a woman and her unborn child last night.
She was the second woman killed since the 16 Days of Activism against #VAW campaign began.
This is unacceptable!
My condolences to the families & full support to the march organised today by women CSOs.— Ambassador Tomáš Szunyog (@EUAmbKS) December 1, 2022
Vrasja e gruas shtatzënë brenda QKUK-së
Lajmin për Albanian Post e kishte konfirmuar zëdhënësja e Policisë për rajonin e Prishtinës, Flora Ahmeti.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç”.
Ahmeti ka sqaruar se mbështetur në informacionet e para, dyshimet e ngritura sugjerojnë se bëhet fjalë për vrasje.
Ndërsa kishte shtuar se policia është në vendin e ngjarjes dhe hetimet kanë nisur.
“Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”.
Edhe, Gjykata Themelore e Ferizajt, ka konfirmuar se ka pasur urdhër-mbrojtje ndaj 35 vjeçares e cila u vra mbrëmë në oborrin e Qendrës Klinike Universitare të Kosovës (QKUK).
Nuk dihen zyrtarisht akoma motivet e vrasjes, por siç ka kuptuar Albanian Post nga burime brenda QKUK-së, vrasja ka ndodhur pas përfundimit të kontrollës së viktimës nga mjekët.
Rrjeti i Grave të Kosovës do të dalë në rrugë në shenjë revolte “për vrasjet brutale të grave nga duart e burrave”.
Protesta do të fillojë prej orës 16:00, të enjten në qendër të Prishtinës, përkatësisht në Sheshin Zahir Pajaziti nën moton: “VRASJA E GRAVE NGA BURRAT TË TRAJTOHET SI URGJENCË KOMBËTARE!”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nuk pati kuorum, anulohet votimi i seancës së 7 marsit
-
Ekspozimi: Politikanët evropianë të së djathtës në listën e pagave të Putinit
-
Tahiri e Gashi lëshojnë mbledhjen e Kryesisë së Kuvendit: Ka një tendencë të pushtetit për bllokim të secilës punë që e zbardhë të vërtetën
-
Prokuroria po e interviston Martin Berishajn, i dyshuar për afera korruptive dhe shpëlarje parash
Lajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Beleri dhe Goro në burg – Blerina Bala komandohet drejtuese e re e bashkisë Himarë
-
Ekspozimi: Politikanët evropianë të së djathtës në listën e pagave të Putinit
-
Raportohet se BE po përgatit pozitë të re për Lajçak-un