Ëmbëlsira e sultjashit (qumështorizit) është një nga pjatat tradicionale shumë të preferuara në familjet shqiptare. Kjo jo vetëm për mënyrën e thjeshtë të përgatitjes, por dhe kostës së ulët të përbërësve. Kjo pjatë sjell shije unike në tryezë dhe ëmbëlson vaktet tuaja.
Receta sugjerohet nga shefi i kuzhinës, Renato Mekolli.
Përbërësit: 1 litër qumësht, 200 gr sheqer, 150 gr oriz, 100 gr fistik të pjekur, 50 gr gjalpë, pak kanellë, ujë.
Përgatitja:
Së pari, në një tenxhere vendosim gjalpin, orizin dhe pak ujë. I lëmë në zjarr për 10 minuta që të ziejnë.
Më pas shtojmë një pjesë të qumështit dhe e lëmë të ziejë në zjarr të ngadaltë. Kur të shohim që qumështi ka nisur të ziejë, shtojmë dhe pjesën tjetër. E lëmë të ziejë në zjarr të ngadaltë dhe e përziejmë vazhdimisht.
Kur shohim që është krijuar një masë e plotë dhe e lidhur e përbërësve, e heqim nga zjarri dhe e ndajmë në tasa të vegjël.
Përdorim fistikë ose arra të pjekura për t’ia hedhur sipër sultjashit. Shtojmë kanellë dhe e shërbejmë kur të jetë ftohur.
Tani, është koha të kujtoni fëmijërinë tuaj!
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Macron, Kurtit: Franca do progres të shpejtë në çështjen e Asociacionit sidomos në kontekstin e Këshillit të Evropës
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë