Orët e hershme të mëngjesit të së martës, u zhvilluan nëntë ndeshje në kampionatin më të fortë të basketbollit në botë, NBA.
Në “Madison Square Garden” të New York-ut u zhvillua një nga ndeshjet më të forta mes New York Knicks dhe Toronto Raptors, e fituar nga këta të fundit me shifrat 104:113, falë paraqitjes së mirë të OG Anunoby, i cili shënoi 36 pikë.
Për Raptors ishte suksesi i katërt radhazi dhe i pesti në tetë takimet e këtij fillim-sezoni. Derisa për Knicks ishin të pamjaftueshme 27 pikët e RJ Barrett dhe 22 të Julius Randle.
Ruajnë kryesimin në Konferencën e Lindjes edhe Chicago Bulls, të cilët morën suksesin e gjashtë, duke mposhtur në “TD Garden Arena” skuadrën e Boston Celtics me shifrat 128:114.
I papërmbajtshëm në këtë sfidë ishte DeMar DeRozan i cili kontribuoi me 37 pikë, derisa për Celtics më i miri në parket ishte Jaylen Brown.
Philadelphia 76ers mposhtën Portland Trail Blazers me rezultat 113:103 ku shtatë basketbollistë të skuadrës nga Pensilvania ishin me numër dyshifror pikësh, ku më i dalluari ishte Seth Curry me 23 pikë.
Derisa suksesin e gjeti edhe Los Angeles Clippers, të cilët mposhtën Oklahoma City-n me rezultat 99:94, ndeshje në të cilën Clippers lëshuan terren pas një starti shumë të mirë.
Më i dalluari në këtë ndeshje ishte Paul George i cili realizoi 32 pikë, nëntë kërcime dhe shtatë asistime.
Rezultatet e të gjitha takimeve:
Charlotte Hornets 110 – 113 Cleveland Cavaliers
Indiana Pacers 131 – 118 San Antonio Spurs
Philadelphia 76ers 113 – 103 Portland Trail Blazers
Atlanta Hawks 118 – 111 Washington Wizards
Boston Celtics 114 – 128 Chicago bulls
New York Knicks 104 – 113 Toronto Raptors
Memphis Grizzlies 106 – 97 Denver Nuggets
Minnesota Timberëolves 97 – 115 Orlando Magic
Los Angeles Clippers 99 – 94 Oklahoma City Thunder
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
