Kanë përfunduar dy ndeshjet e të martës në Abissnet Superiore. Tirana ka vijuar ritmin e fitoreve. Në krahun tjetër, Dinamo ka vijuar ritmin e humbjeve.
Ndeshjet hapën javën e 12 të Superiores. Tirana priti në “Air Albania” Kastriotin. Dinamo u përballë me Teutën në “Elbasan Arena”.
Bardheblutë kanë triumfuar me rezultatin e pastër 3-0 ndaj krutanëve. Dy gola u shënuan nga Taulant Seferi në pjesën e parë, përkatësisht në minutat 22’ dhe 45’. Michael Ngoo shënoi të tretin në të 74’ dhe vulosi shifrat përfundimtare të takimit.
Tirana mori fitoren e tetë në 12 javë të luajtura dhe qëndron në krye të renditjes me 28 pikë. Katër pikë më pak ka Kukësi i vendit të dytë, por që nuk e ka luajtur ndeshjen e javës së 12.
Kastrioti zhytet akoma dhe më shumë në krizë rezultatesh. Krutanët qëndrojnë në fundin e tabelës së renditjes me pesë pikë.
Në ndeshjen tjetër të kësaj të marte, Dinamo ka humbur minimalisht 1-0 përballë Teutës. Goli i vetëm i takimit ishte si rezultat i një autogoli nga portieri i “nëndetëses blu”, Edvan Bakaj, në 51’.
Kjo është humbja e pestë për Dinamon në 12 javë të luajtura. Për Teutën është fitorja e katërt dhe e para nën drejtimin e Renato Arapit.
Durrsakët shkojnë në kuotën e 17 pikëve dhe në vendin e katërt në renditje, pas kësaj fitore. Dinamo qëndron në kuotën e 13 pikëve dhe në vendin e shtatë.
Superiorja do të vijojë me ndeshjet e tjera:
Të mërkuën
Vllaznia – Partizani
Skënderbeu – Egnatia
Të enjten
Kukësi – Laçi
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hasani nis vizitën në Kroaci në takim me Plenkoviç, merr mbështetje për integrimin evropian
-
SPAK kërkon dënimin e Alqi Bllakos për Inceneratorin e Elbasanit
-
Antony Blinken kundërshton pretendimet se Amerika po mban “standard të dyfishtë” për Izraelin
-
Goncharenko: Respekt për Kosovën, por ajo s’është çështja kryesore për Ukrainën