Skuadra e Laçit ka arritur të triumfojë me rezultatin e thellë 5-0 përballë Dinamos. Ndeshja e luajtuar në stadiumin “Laçi”, pa vendasit të ishin superior ndaj kundërshtarit.
Sfida u luajt për javën e 11 në Abissnet Superiore. Laçi mori fitoren e katërt sezonale. “Nëndetsja blu” në krahun tjetër, mori humbjen e katërt.
Pjesa e parë pati vetëm një gol. Sulmuesi nga Mali, Saliou Guindo, e dërgoi topin në rrjetë pas vetëm shtatë minutave lojë.
Në pjesën e dytë do të vinin edhe katër gola të tjerë për kurbinasit. Fillimisht, Besir Demiri do të shënonte autogol në minutën e 54. Gjashtë minuta më vonë, Juljan Shehu do të trefishonte rezultatin.
Goli i katërt do të vinte në minutën e 73 dhe autoi ishte përsëri Guindo. Vetëm dy minuta pas golit të ish-lojtarit të Bylisit, do të vinte goli që do të vuloste shifrat në 5-0. Kësaj radhe ishte Regi Lushkja që do të ndëshkonte kryeqytetasit.
Me fitoren e arritur, Laçi shkon në kuotën e 15 pikëve, në vendin e katërt në renditje. Dinamo qëndron në vendin e gjashtë me 13 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Sot nis zbatimi i Amnistisë Penale, përfitojnë 3 mijë e 800 të dënuar
-
Sabreen, vajza e lindur në Gaza pasi nëna e saj ndërroi jetë në një bastisje
-
Senati amerikan miraton paketën historike për Ukrainën, Izraelin dhe Tajvanin
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë