Një ndeshje do të sjellë kjo e enjte në Abissnet Superiore. Kukësi do të përballet me Laçin, për javën e 12-të të kampionatit.
Sfida do të luhet në stadiumin “Air Albania” në Tiranë, duke filluar nga ora 13:45. Ndeshja mbyll dhe javën e 12-të në Superiore.
Verilindorët vijnë në këtë sfidë pas katër fitoreve rresht, tre në kampionat dhe një në Kupën e Shqipërisë. Laçi vjen pas dy barazimeve, një fitoreje dhe një humbje.
Momentalisht, Kukësi ndodhet në vendin e dytë në tabelën e klasifikimit me 23 pikë. Katër pikë më pak se Tirana kryesuese. Kurbinasit renditen në vendin e pestë me 15 pikë.
Në ndeshjet si ekip pritës, Kukësi numëron katër fitore dhe një humbje. Laçi në transfertë numëron një fitore dhe nga dy barazime dhe humbje.
Përballja e fazës së parë të kampionatit (nga katër në total) ka përfunduar në barazim me shifrat 2-2. Sfidë, të cilën kuksianët deri në minutën e 69-të po e fitonin me rezultatin 2-0 dhe më pas u barazuan.
Superiorja do të vijojë përsëri në datat 12, 13 dhe 14 dhjetor me sfidat e javës së 13-të:
Kastrioti – Egnatia
Vllaznia – Skënderbeu
Teuta – Kukësi
Partizani – Dinamo
Laçi – Tirana
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
