Partizani ka arritur të fitojë përballë Skënderbeut me shifrat 2-1. Në sfidën e luajtur në “Air Albania”, të tre golat e takimit u shënuan në pjesën e parë.
Ndeshja u luajt për javën e 11 në Abissnet Superiore. Kjo është fitorja e tretë e “Demave të kuq” këtë sezon. Për korçarët është humbja e pestë.
Arinaldo Rrapaj shënoi golin e parë të takimit në minutën e 17. Ndeshja u barazua përkohësisht nga i përherëshmi, Alfred Mensah-u në minutën e 20.
Shtatë minuta më vonë erdhi dhe goli i Tedi Carës. Cara konfirmohet njeriu i golave të rëndësishëm për Partizanin këtë sezon.
Ai shënoi golin e fitores 2-1 ndaj Teutës javën e kaluar. Gjithashtu shënoi dhe golin e barazimit 1-1 me Laçin, para dy javësh.
Me fitoren e arritur, Partizani shkon në kuotën e 15 pikëve dhe në vendin e pestë të renditjes. Skënderbeu qëndron në vendin e nëntë me tetë pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Shkarkohet nga detyra Agron Zhukri, gjyqtari që i dha PD-në Berishës
-
Protestë para Bashkisë Tiranë/ Qytetarët hedhin molotovë e tymuese
-
Hipoteza e tradhtisë së brendshme ose një sulmi simbolik: Çfarë dihet për sulmin në Iran
-
Kurti në 11 vjetorin e marrëveshjes Kosovë-Serbi thotë se dakordimi i tij me Vuçiç-in adreson gjetjet e Kushtetueses për Asociacionin
